كەشە كەشتە مەن تۇراتىن جاتاقحانانىڭ كومەندانتى وسى جاتاقحاناداعى بارلىق تۇرعىنداردى جيناپ الىپ:

- تىركەۋگە تۇرعىزامىز، ءار ادامنان 3000 تەڭگەدەن جينايمىز، اقشالارىڭ دايىن بولسىن. بولماسا ۇستالىپ قالساڭدار، ءبىرنشى ەسكەرتۋ ءۇشىن 16000 تگ، ەكىنشى رەت ۇستالساڭدار 24000 تگ شتراف تولەيتىن بولاسىڭدار، - دەدى. ءبىر توبىمىز:

- بىزدە استانا قالاسىندا تىركەۋىمىز بار، - دەپ قالدىق.

- قاي جەردە تۇرساڭ سول جەردە تىركەلۋگە مىندەتتىسىڭ جاڭا زاڭ بويىنشا! بۇل ۋاقىتشا تىركەۋ بولادى.

- ونىسى قالاي؟ بىز استانا قالاسىنا تۇراقتى تىركەلگەنبىز عوي؟

- زاڭ سولاي. تاك چتو اقشالارىڭ دايىن بولسىن. سوسىن ەستەرىڭدە بولسىن، بىزدەن قاشان كوشىپ كەتەسىڭدەر سرازۋ تىركەۋدەن شىعارىپ تاستايمىز، قايدا بارىپ تۇرساڭدار سوندا قايتا تىركەۋگە تۇراسىڭدار!

- بىزدە 3 بالا بار عوي، ولارعا دا تولەيمىز بە؟ - دەدى بىرەۋى.

- تولەيسىڭدەر. ءبىر سەميادا قانشا ادام بارسىڭدار، سونشا ادامعا تولەيسىڭدەر!

اڭگىمە وسىمەن ءبىتتى. ال ەسەپتەڭىز، 24 بولمە بار، ءار بولمەدە ورتا ەسەپپەن، بالا-شاعاسىمەن 4 ادامنان تۇرىپ جاتىر. 300*24*4=288000 تگ. كەلەسى ايدا بالكىم ءبىراز وتباسى كوشىپ كەتەر، ودان باسقاسى كەلەر، ازدى-كوپتى وسىنداي پايدا ءتۇسىپ وتىرماق! ال پاتەر جالداپ تۇرۋشىلاردىڭ جاعدايى ودان دا قيىن، كەيبىرى 3-4 بالاسىمەن، جاندارىن ارەڭ باعىپ، وسىنداي ارزان جاتاقحاناعا كەلىپ تۇرىپ جاتىر. 5 ادامعا 15000, 6 ادامعا 18000 تولەمەكشى. بۇل ارينە ءار ادامعا 16000 تولەگەننەن جەڭىل.

ەندىگى بيلىگىم ءۇي يەلەرىنە ءوتتى دەي بەرىڭىز، ءسىزدىڭ تىركەۋلى، تىركەۋسىز بولۋىڭىزعا دەيىن سولار بەلگىلەيدى. ەندى ولارعا بولمەنىڭ جىلۋى، سۋى، ت.ب. شاعىمدار ايتا المايسىز، تەك تىركەۋگە تۇرعىزسا بولدى. ونىڭ وزىندە 3000 تگ دەن كەم ەمەس!

ال قالا سىرتىندا ۆرەمەنكا جالداپ تۇراتىندار قالاعا كوشە باستايدى، ويتكەنى ۆرەمەنكالاردىڭ قۇجاتى جوق، تىركەۋگە تۇرا المايسىز. ەندى پاتەر اقىسى دا قىمباتتاۋى مۇمكىن.

ولاي بولاتىن بولسا، بۇل زاڭ پاتەر يەلەرى مەن جەمقور پوليتسيالار ءۇشىن بيزنەستىڭ ەڭ داڭعىل جولى بولماق. ال پاتەردەن پاتەرگە كوشۋشىلەر ءۇشىن كەدەيلىكتەن كەدەيلىككە قاراي سۇيرەيتىن داڭعىل.

ەسبول نۇراحمەت

Facebook-تەگى پاراقشاسىنان