باياعىدا ءبىز جاقتا مايلىباي دەگەن باي بولىپتى. بار سەنگەنى وقتاۋداي ءتۇزۋ تالدان قيىپ، تاپ-تازا ەتىپ جونىلعان تاياعى ەكەن.

بيە قۇلىنداسا ءبىر كەرتىپ، قوي قوزىلاسا ءبىر كەرتىپ الگى تاياققا بەلگى سالىپ جۇرەتىن ادەتى بوپتى. وقتا-تەكتە بايەكەڭ مالىن تۇگەندەيدى. جىلقىنى ارالاپ جۇرگەندە قولىنداعى كەرتپەمەن ساۋساقتارى جىبىرلاپ، اۋزى كۇبىرلەپ تىنىم تاپپايدى. قويدى الدىنان ايداپ وتكەندە دە سويتەدى. ءبىر تاي نەمەسە توقتى جوق بولسا ەڭ اۋەلى الگى تاياقپەن بالالارىن سابايدى ەكەن. جارىقتىق كوزى جۇمىلعانشا ەسەبىنەن جاڭىلماپتى. جانە مالدى الاوكپە ەتىپ قۋالاماڭدار دەپ ءبىر مارتە عانا ەسەپتەيدى ەكەن. قاريانىڭ تاياعىنداعى كەرتىك قۇپياسى سول كۇيى اشىلماپتى. "قوي مەن جىلقىنى ساناعاندا قالاي شاتاسپايدى، كەرتىكتەرىندە ايىرماشىلىق بار ما؟" دەگەن اعايىن تاياقتى مىڭ اينالدىرسا دا قارت جۇمباعىن شەشە الماپتى. ەل بيلەۋ ءۇشىن وسىنداي قانمەن سىڭگەن، تەكپەن بەرىلگەن دانالىق كەرەك-اۋ. 

پى.سى. سايلاۋ، ساناق، ەكسپو، تىركەۋ، ت.ب دەپ ەلدىڭ ەسىن شىعاراتىندار مايلىبايلاردى بىلە مە ەكەن؟

سەرىك ابىكەن

Facebook-تەگى پاراقشاسىنان