دۇيسەنبى, 17 مامىر 2021
جاڭالىقتار 2528 0 پىكىر 9 قاڭتار, 2017 ساعات 16:42

مەملەكەتتىك كىرىس كوميتەتىنىڭ قىزمەتكەرى كازينودان پارا الدى دەگەن كۇدىكپەن ۇستالدى

مەملەكەتتىك كىرىس كوميتەتىنىڭ قىزمەتكەرى كازينودان پارا الدى دەگەن كۇدىكپەن ۇستالدى، - دەپ حابارلايدى Tengrinews.kz  سىبايلاس جەمقورلىققا قارسى ءىس-قيمىل ۇلتتىق بيۋروسىنا سىلتەمە جاساپ.

"الماتى وبلىسى بويىنشا سىبايلاس جەمقورلىققا قارسى دەپارتامەنت وكىلدەرى قر قارجى مينيسترلىگىنىڭ مەملەكەتتىك كىرىس كوميتەتى بەيوندىرىستىك تولەمدەر باسقارماسىنىڭ باس ساراپشىسى ر.جۇماباەۆتى ۇستادى. ول قاپشاعاي ماڭىنداعى كازينو وكىلدەرىنەن ولاردىڭ كاسىپكەرلىك قىزمەتىن جاسىرۋ ءۇشىن جانە ولارعا قاتىستى سالىق تەكسەرىستەرى جۇرمەس ءۇشىن جۇيەلى تۇردە پارا الىپ وتىرعان", - دەدى ۇلتتىق بيۋروداعىلار.

سونداي-اق، ر.جۇماباەۆتىڭ دەلدال ارقىلى ء(وز بالاسى) قاپشاعايداعى كازينو وكىلدەرىنەن 5 000 دوللار كولەمىندە كەزەكتى پارا الىپ جاتقان جەرىنەن ۇستالعانى حابارلانىپ وتىر.

قازىرگى ۋاقىتتا ر.جۇماباەۆ پەن د.ۋدانوۆ قر قىلمىستىق-پروتسەسسۋالدىق كودەكسىنىڭ 128-بابى بويىنشا ىلە اۋداندىق ءىىب ۋاقىتشا ۇستاۋ يزولياتورىنا قامالدى.

Abai.kz

0 پىكىر