جۇما, 17 قىركۇيەك 2021
46 - ءسوز 3742 0 پىكىر 9 قاڭتار, 2017 ساعات 00:56

ەدىلىم

قازتۋعان جىراۋدىڭ «قايران دا مەنىڭ ەدىلىم» دەپ كەلەتىن جىرىن ءبارىمىز بىلەمىز. ءدال سول ولەڭمەن ۇندەسەتىن نوعايلاردا شالكيىز جىراۋدىڭ دا "ەدىلىم" دەگەن تولعاۋى بار. شالكيىزدىڭ قازاق شىعىپ بارا جاتقان كەزدەگى قالدىرعان زارى. نوعايشادان قازاقشالاپ وزدەرىڭىزگە ۇسىندىم...

ەدىلىم

قۇبا نارعا جۇك ارتىپ،
قوس اربانى جەكتىرىپ،
كۇنىمىز بۇلاي بولدى دەپ،
جىراۋ اتقا مىنگەن كۇن.
جاۋىرىنا قارا قاپتال كيىنىپ،
جالاڭ اياق، جالاڭ باس،
قابىرعالى قوس ات ايداپ كوشكەن كۇن.
ەكى كوزىن جاس باسىپ،
تاناۋلارىن شاڭ باسىپ،
بۇل جاسىندا جىراۋىڭ،
كۇنى تۇزدە كەشكەن كۇن.
الاڭ، الاڭ، الاڭ جۇرت،
الاڭداعان ۇلى نوعاي جۇرت،
اق قاپتالدار كيىنىپ،
اتام كۇيەۋ بولعان جۇرت،
جىبەك تاستار سالىنىپ،
انام كەلىن بولعان جۇرت،
سازانداي قۇيرىق تاستاتىپ،
سان ارعىماق وسكەن جۇرت.
سارى بالداي قىمىز ساپىرىپ،
ساپىرىلا كوشكەن جۇرت،
كەلىن كەلگەن قۇتتى جۇرت،
جىلعىن جاققان جىلى جۇرت،
جاباعىلى جاس تايلاق،
جارداي اتان بولعان جۇرت.
جايلاقتا جاتىپ قالعان ءبىر توقتى،
جايىلىپ مىڭ قوي بولعان جۇرت.
ەدىلىمسىڭ – تەڭىمسىڭ،
وتىڭ – شەكەر، سۋىڭ – ءشاربات،
كوپ نوعايىم كەڭ جايلاعان جەرىمسىڭ.
تالەيسىز شالكيىز بۇگىندە،
قازاق شىعىپ بارادى.
بىزدەي بولعان جىراۋعا،
جولىڭ بولسىن دەرمىسىڭ؟!

شالكيىز تىلەنىشۇلى
(نوعايشا - شال-كييز تيلەنشي ۋلى)

سەرىكبول حاسان

Facebook-تەگى پاراقشاسىنان

0 پىكىر