جەكسەنبى, 26 قىركۇيەك 2021
46 - ءسوز 3350 0 پىكىر 9 قاڭتار, 2017 ساعات 00:44

حرۋششەۆ سالىعى قايتا ورالدى ما؟

اسىرا سىلتەۋ بولماسىن،

ايىپپۇل تولەمەگەن قازاق قالماسىن!

پرەزيدەنت ن.ءا. نازارباەۆتىڭ ءومىر جولى تۋرالى فيلمدە سالىق سالۋدىڭ حرۋششەۆ زامانىنداعى ورەسكەل ءبىر ءتۇرى سىنالادى. جوعارعى بيلىكتىڭ شەشىمىمەن ءۇي الدىندا ءوسىپ تۇرعان جەمىس اعاشىنا دا سالىق سالىنۋى ءتيىس ەكەن. سوعان كۇيىپ كەتكەن ءابىش اقساقال قولىنا قايراۋلى بالتانى الا سالىپ، جەمىس بەرىپ تۇرعان اعاش اتاۋلىنى وتاپ تاستامايتىن با ەدى. 

حرۋششەۆ تۇسىنداعى بيۋدجەتكە اقشا ءتۇسىرۋدىڭ وسىعان ۇقساس ءتاسىلى ەندى ءبىزدىڭ ەلىمىزدە دە جۇرگىزىلە باستاعانداي. 

قالاعا جۇمىس ىستەپ ناپاقا تابۋعا كەلگەن قازاق ەندى جۇرگەن-تۇرعان جەرىندە تىركەلۋى ءتيىس. بولماسا ايىپ – 16000 تگ. ۇيىڭە تىركەۋدە تۇرماعان ءوز قازاعىڭدى تۇرعىزساڭ – 23000 تگ ايىپپۇل. 
زاڭعا قارسى ەمەسپىز. بىراق وسى ايىپپۇلداردىڭ مولشەرى نەگە سۇيەنىپ، قايدان الىنىپ وتىر؟ ايىپپۇل دەگەننىڭ ءوزى حالىقتىڭ ايلىق تابىسىنا بايلانىستى سالىنباۋشى ما ەدى. 30-شى جىلدارى قىستا ءجۇن سالىعىن سالعان كەز دە بولعان. مالى جوق ۇيگە ەت سالىعى، ەگىن ەكپەگەن وتباسىنا استىق سالىعى سالىنعان. ءسويتىپ اشارشىلىق قولدان جاسالعان. 

ال، قازىر 50 مىڭ تەڭگە ايلىق الاتىن ادامعا قالاي ۇيالماي سونشا ايىپپۇل تولەتۋگە بولادى، ا؟ حالىقتى اياماعان وكىمەتتىڭ حالىققا كەرەگى بار ما؟

جاڭا زاڭنىڭ باستى مۇراتى – بيۋدجەتتى ايىپپۇل ارقىلى تولىقتىرۋ ەمەس، حالىقتىڭ ىشكى كوشى-قونىن ىرەتكە كەلتىرۋ ەمەس پە؟

نۇرلىبەك سافين

Facebook-تەگى پاراقشاسىنان

0 پىكىر