سەيسەنبى, 2 ماۋسىم 2020
COVID-19 قازاقستاندا. جۇقتىرعاندار — 11308. جازىلعاندار — 5587. قايتىس بولعاندار — 41
جاڭالىقتار 2644 0 پىكىر 27 جەلتوقسان, 2016 ساعات 10:28

اۋىلشارۋاشىلىعىنا تارتىلعان ينۆەستيتسيا كولەمى 9,8 ميللياردتى قۇرادى

وڭتۇستىك قازاقستان وبلىسىنىڭ اۋىلشارۋاشىلىق سالاسى بيىلعى جىلدى تابىستى قورىتىندىلاعالى وتىر. ماسەلەن، جەلتوقسان ايىنداعى مالىمەتتەرگە سۇيەنسەك، وسى جىلى اۋىلشارۋاشىلىعىنىڭ جالپى ءونىم كولەمى 415,8 ميلليارد تەڭگەگە جەتىپ، كولەم يندەكسى 103 پايىزدى قۇرادى. بۇل تۋرالى «اباي اقپارات» پورتالى حابارلايدى.

بيىل اۋىل شارۋاشىلىعىندا نەگىزگى كاپيتالعا تارتىلعان ينۆەستيتسيالاردىڭ كولەمى 9,8 ميلليارد تەڭگەنى قۇراپ، ءوسىم 2,3 ەسەگە ارتقان ەكەن. وقو اكىمدىگىنىڭ اۋىلشارۋاشىلىق باسقارماسىنىڭ دەرەكتەرىنە نازار اۋدارساق، اۋىل شارۋاشىلىعى داقىلدارى وتكەن جىلمەن سالىستىرعاندا 12,8 مىڭ گەكتارعا ارتىپ، 788,6 مىڭ گەكتارعا ورنالاستىرىلعان. ونىڭ ىشىندە نەگىزگى سانالاتىن ەگىس كولەمى، ياعني ءداندى داقىلدار – 260 مىڭ، مايلى داقىلدار – 80,8  مىڭ، كوكونىس – 40,4 مىڭ، باقشا – 59 مىڭ، كارتوپ – 15,3 مىڭ، ماقتا – 109,6 مىڭ جانە جەمىس-جيدەك پەن ءجۇزىم 30 مىڭ گەكتاردى قۇرادى. بيىلعى جىلى ورتاشا ەسەپپەن 676 مىڭ توننا ءداندى داقىل جينالدى، ورتاشا تۇسىمدىلىك – گەكتارىنا 26 تسەنتنەردەن اينالعان.

سونىمەن قاتار بيىل وڭتۇستىكتە 963 توننا كوكونىس، 1413 توننا باقشا، 277 مىڭ توننا كارتوپ، 281 مىڭ توننا جەمىس-جيدەك جانە 64,2 مىڭ توننا ءجۇزىم جينالىپتى. جىلىجاي كولەمى تاعى دا 96 گەكتارعا ارتىپ، جالپى كولەمى 1121 گەكتارعا جەتكەن. جەلتوقسانداعى ستاتيستيكاعا قاراساق، بيىل اتالعان 160 مىڭ توننا ءونىم جينالدى. وسىلايشا وڭتۇستىك شارۋالارى 2016 جىلدى تولاعاي تابىسپەن قورىتىندىلاپ وتىر.

Abai.kz 

0 پىكىر