گراند ميكس» فەرمەرلىك شارۋاشىلىق جەتەكشىسى فايزۋللا ابدۋليەۆ مال شارۋاشىلىعىن قارقىندى دامىتۋدا «سىباعا» مەملەكەتتىك باعدارلاماسى مول ۇلەسىن قوسقانىن ايتتى، - دەپ حابارلايدى اباي-اقپارات.

 بۇل ويىن ول «نۇر وتان» پارتياسىنىڭ تۇركىستان قالالىق فيليالىنىڭ ۇيىمداستىرۋىمەن قالانىڭ ەكونوميكاسى مەن مادەنيەتىنىڭ دامۋىنا قاجىرلى ەڭبەك ەتىپ، ۇلەستەرىن قوسىپ جۇرگەن پارتيا جانە ەڭبەك ارداگەرلەرى، زيالى قاۋىم وكىلدەرى، ءىرى فەرمەرلىك شارۋاشىلىق جەتەكشىلەرىنىڭ جاستار ۇيىمدارىنىڭ وكىلدەرىمەن كەزدەسۋى بارىسىندا ايتقان. 

كەزدەسۋدىڭ نەگىزگى ماقساتى - ەركىن پىكىر الماسۋ الاڭىن قالىپتاستىرۋ، جاستاردىڭ ءوز كاسىبىن اشۋعا بايلانىستى باعىت-باعدار بەرۋ. 

- وسىدان ەكى جىل بۇرىن 29 باس ءىرى قارا مالىم بولعان. ەڭبەكتەنۋدىڭ ارقاسىندا مال باسىن كوبەيتىپ، مەملەكەتتىڭ جەڭىلدەتىلگەن نەسيەسىنىڭ ارقاسىندا، جاڭا مال بورداقىلاۋ ورنىن اشۋعا قول جەتكىزدىم. قازىرگى تاڭدا 320 باس ءىرى قارا مال بورداقىلاۋعا قول جەتكىزىپ وتىرمىن، - دەدى كاسىپكەر.

سونداي-اق، قوجالىق جەتەكشىسى جاستارعا ەڭبەك ەتۋ ارقىلى جەتىستىككە جەتۋگە بولاتىنىن ءتۇسىندىردى.

- ەلباسى ەت ەكسپورتىن ەسەلەي ءتۇسۋ كەرەكتىگىن ۇنەمى ايتىپ كەلەدى. نۇرسۇلتان نازارباەۆتىڭ تاپسىرماسىنا سايكەس 2016 جىلعا دەيىن جىلىنا 60 مىڭ توننا ەت سىرت مەملەكەتتەرگە جىبەرىلۋى ءتيىس. تۇركىستاندىق شارۋالار وسى ورايدا مال بورداقىلاۋ ءىسىن مىقتاپ قولعا الا باستاعان.

«سىباعا» باعدارلاماسى بويىنشا 5381 ءىرى قارا مال، 1723 ءىرى قارا انالىعى، 92 بۇقا ساتىپ الىندى. «قۇلان» باعدارلاماسى بويىنشا 165 باس جىلقى انالىعى 10 ايعىر ساتىپ الىندى. ەت ونىمدەرى 8223,7 تن. 101,7%-عا، ءوستى، - دەيدى ءوز سوزىندە قالا اكىمىنىڭ ورىنباسارى داۋرەن تاڭىربەرگەنوۆ.

تۇركىستان قالالىق ارداگەرلەر كەڭەسىنىڭ توراعاسى، پارتيا ارداگەرى جارىلقاسىن ازىرەتبەرگەنۇلىنىڭ ايتۋىنشا، جەكە كاسىبىن باستاعىسى كەلەتىن ادامنىڭ ىشكى سەنىمى مىقتى بولۋى كەرەك. - قازاقستانداي مەملەكەتتە تۇرىپ، كاسىپكەرلىكپەن اينالىسپاۋ، ءوز بيزنەسىڭدى جولعا قويماۋ، شىنىندا دا، ساناعا سىيمايتىن سەلقوستىق دەگەن بولار ەدىم. قازاقستانداعى بيزنەستى قولداۋ باعدارلامالارى مەن جاستارعا جاسالعان جەڭىلدىكتەردى ءتيىمدى پايدالانا ءبىلۋ كەرەك، - دەپ ءسوزىن تۇيىندەدى اقساقال.

كەزدەسۋ سوڭىندا «جاس كاسىپكەرلەر مەكتەبى» جوباسىنا قاتىسىپ، ءبىلىم العىسى كەلەتىن جاستار وقۋعا شاقىرىلدى. 

اباي-اقپارات