ءوڭىر باسشىسى جۇمىسىمەن تانىسقان تاعى ءبىر نىسان – ۇدەمەلى يندۋستريالدى يننوۆاتسيالىق دامۋ باعدارلاماسى اياسىندا ىسكە قوسىلاتىن «شاردارا بالىق-1» جشس-ءنىڭ بالىق وڭدەۋ زاۋىتى بولدى. بيىلعى جىلعى قىركۇيەك ايىندا ىسكە قوسىلاتىن بۇل نىسانعا 182 ملن. تەڭگە ينۆەستيتسيا تارتىلعان. مۇزداتىلعان جانە ىستالعان بالىق، فيلە ونىمدەرىن شىعاراتىن زاۋىتتا 100 ادام قىزمەت اتقاراتىن بولادى.  

اۋداندا 63 500 گەكتار سۋارمالى جەردىڭ بيىلعى جىلى 58 007 گەكتارى يگەرىلگەن جانە 91,3 پايىزىنا داقىلدار ورنالاستىرىلعان.  سونىمەن بىرگە، اۋدانداعى سۋ نىساندارىن قالپىنا كەلتىرۋ جوسپارلانىپ، 129 شاقىرىمنىڭ 121 شاقىرىمى نەمەسە 93,8 پايىزى تازالانىپتى. ناتيجەسىندە 625 گەكتار جەر قوسىمشا اينالىمعا قوسىلعان. 

«سىباعا» باعدارلاماسى اياسىندا 8 كاسىپكەرلىك تۇلعا 76,1 ملن. تەڭگە نەسيە الىپ، وعان 475 انالىق باس ءىرى قارا مال ساتىپ الىپتى. جىل سوڭىنا دەيىن 2 كاسىپكەرلىك تۇلعاعا 15,0 ملن تەڭگە نەسيە بەرىلىپ، 75 انالىق باس ءىرى قارا مال ساتىپ الۋ جوسپارلانۋدا. 

تامشىلاتىپ سۋعارۋ تەحنولوگياسىن ەندىرۋ 600 گەكتارعا جوسپارلانسا، ورىندالعانى 345 نەمەسە 57,5 پايىز. جىلىجاي قۇرىلىسىن سالۋدىڭ جوسپارى 8 گەكتار بولسا، ازىرگە ورىندالعانى 4,2 گەكتار. سونىمەن قاتار، ءۇش جاقتاما كەلىسىمگە سايكەس 2013 جىلى اۋدان بويىنشا 68 تەحنيكا جاڭارتىلۋعا ءتيىس بولسا، بۇگىنگى تاڭدا 54 دانا اۋىل شارۋاشىلىعى تەحنيكالارى الىنىپتى.

Abai.kz