سەنبى, 15 تامىز 2020
COVID-19 قازاقستاندا. جۇقتىرعاندار — 102287. جازىلعاندار — 80716. قايتىس بولعاندار — 1269
ساياسات 8894 0 پىكىر 6 ءساۋىر, 2015 ساعات 14:28

سايلاۋ تۋرالى قىتاي بيلىگى نە دەيدى؟

سايلاۋ ناۋقانى ۋاقىت وتكەن سايىن كۇش الىپ كەلە جاتىر. اسىرەسە، سوڭعى اپتالاردا جاستاردىڭ ەرەكشە بەلسەندىلگىن اتاپ وتۋگە بولادى. ولار الەۋمەتتىك جەلىلەردە، ءتۇرلى ينتەرنەت فورۋمداردا تالقىلاۋلار ۇيىمداستىرىپ، سايلاۋدىڭ ەل ومىرىندەگى ماڭىزدىلىعى تۋرالى ايتىپ جاتىر.

بۇرىنعى سايلاۋلار كەزىندە تەك ءداستۇرلى اقپارات قۇرالدارىمەن شەكتەلسە، بيىلعى پرەزيدەنتتىك سايلاۋ ناۋقانىنىڭ قىزىقتى وتۋىنە حالىقتىڭ ينتەرنەتكە قولجەتىمدىلىگى قوسىمشا ىقپال ەتسە كەرەك. سالىستىرمالى تۇردە بۇرىنعى پرەزيدەنتتىك، پارلامەنتتىك سايلاۋلاردا الەۋمەتتىك جەلىلەردەگى قازاقستاندىقتاردىڭ ۇلەس سالماعى ايتارلىقتاي از ەدى. قازىر ول كورسەتكىش كۇن ساناپ ۇلعايىپ كەلەدى.

جاستار اراسىندا اسىرەسە وبلىس ورتالىقتارى مەن اۋدان جاستارى ءبىر بىرىنە ەستافەتا رەتىندە ۇسىنىپ، سايلاۋعا شاقىرۋ اكتسياسىن ۇيىمشىلدىقپەن وتكىزىپ جاتىر. ارينە، ول ءوز كەزەگىندە بەلگىلى ءبىر دارەجەدە ابسەنتەيزمنىڭ الدىن الۋعا ىقپال جاساۋى مۇمكىن. ەلەكتوراتتى ەسەپكە الۋ جۇمىستارى، ۇمىتكەرلەردى مەملەكەتتىك تەلەارنالاردان تەڭ ناسيحاتتاۋ، تاعى باسقا سايلاۋالدى شارالار زاڭعا سايكەس ءوتىپ جاتىر.

جاقىندا عانا قىتاي ەلىندە جۇمىس ساپارمەن بولىپ قايتتىق. قىتايدىڭ جوعارعى بيلىك وكىلدەرى، جاستار فەدەراتسياسىنىڭ باسشىلىعىمەن بولعان كەزدەسۋدە ولار قازاقستانداعى پرەزيدەنتتىك سايلاۋ ناۋقانى دەموكراتيالىق تالاپتارعا ساي وتەتىندىگىنە سەنىم ءبىلدىرىپ وتىر.

جارقىن تۇسىپبەكۇلى

Abai.kz

0 پىكىر