بەيسەنبى, 28 ناۋرىز 2024
قوعام 8260 0 پىكىر 31 ناۋرىز, 2015 ساعات 11:56

قورازباەۆتىڭ ارىزى قاناعاتتاندىرىلمادى

الماتى قالالىق سوتى ءانشى-سازگەر التىنبەك قورازباەۆتىڭ مارقۇم بولعان سەرىكتەسىنىڭ ۇستىنەن بەرگەن ارىزىن قاناعاتتاندىرماي تاستادى. 

وقىرماننىڭ ەسىندە بولسا، وسىدان از ۋاقىت بۇرىن بەلگىلى ونەر قايراتكەرى ءوزىنىڭ بۇرىنعى سەرىكتەسى ءارى وتباسىلىق دوسى، بۇگىندە باقيلىق بولعان سىرىم قۇلجانوۆتىڭ مۇراگەرلەرىمەن داۋلاسىپ، جىلجىمايتىن مۇلىككە تالاسقان بولاتىن. داۋدىڭ شىعۋىنا نەگىز بولعان الماتى قالاسىنداعى جەكە تۇرعىن ءۇي ەدى. اۋماعى 900 شارشى مەتر بولاتىن اتشاپتىرىم سارايدى اقى يەسى 2012 جىلى قۇلجانوۆتار وتباسىنا ساتقان كورىنەدى. الايدا، سول كەزدەگى باعا بويىنشا 7 ميلليون تەڭگەنى قۇرايتىن باسپانانىڭ ءباسىن قورازباەۆقا بەرمەي كەتكەن ەكەن. الدىمەن ءۇيدى قۇجات جۇزىندە راسىمدەپ، اقشاسىن كەيىن بەرمەك بولعان سىرىم قۇلجانوۆ ۋادەسىندە تۇرماي، و دۇنيەلىك بولىپ كەتە بارعان. ال، التىنبەك قورازباەۆ بولسا ادال اقشاسىن الاتىندىعىنا سەنىپ، ۇزاق ۋاقىت كۇتىپ ءجۇرىپتى. ءىستىڭ ناسىرعا شاپقانىن سەزگەننەن كەيىن، سازگەر مارقۇم قۇلجانوۆتىڭ ۇستىنەن سوتقا شاعىم بەرۋگە ءماجبۇر بولعان.

بىراق، الماتى سوتىنىڭ مىنا شەشىمى قورازباەۆتىڭ ءۇمىتىن ءبىرجولا ۇزگەنگە ۇقسايدى. ويتكەنى، سازگەر ايىپتالۋشى رەتىندە تانىپ وتىرعان ادام بۇگىندە تىرىلەر ساناتىندا جوق. ال، 2012 جىلى جاسالعان ساتىپ الۋ شارتىندا زاڭ بۇزۋشىلىق جوق، تۇرعىن ءۇي قۇلجانوۆتىڭ اتىنا راسىمدەلگەن. سول سەبەپتى سوت مارقۇم قۇلجانوۆتىڭ مۇراگەرلەرىنە كىنا تاعا الماعان...

جالپى، ەلگە تانىمال ادامداردىڭ ارتىنان ەرگەن ءسوزدىڭ الەۋمەتكە جاعىمدى اسەر ەتپەيتىنى شىندىق. و باستا قوعامدىق پىكىر التىنبەك قورازباەۆتىڭ ارەكەتىن جابىلا سىناعانىمەن، كەيىن كەلە ءانشىنىڭ كۇيىنىشىن تۇسىنۋگە تىرىسقان سىڭايدا ەدى. ال، سوتتىڭ ەندىگى شەشىمىنەن سوڭ ۇيىنەن ءبىر، اقشاسىنان ەكى ايرىلعان سازگەردى جۇباتارلىق ءسوز قالماعان شىعار...

التىنبەك قورازباەۆتىڭ بۇل داۋى الىپ، ساتۋ ىسىندە اباي بولۋ كەرەكتىگىن تاعى ءبىر ەسكە سالىپ قويسا، كانى؟!

 

Abai.kz 

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1562
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2256
عيبىرات

قايسار رۋحتى عازيز جان

مۇحتار قۇل-مۇحاممەد 3528