«مەملەكەت باسشىسى نۇرسۇلتان نازارباەۆ گەننادي گولوۆكينگە WBA, IBO جانە WBC تۇجىرىمدارى بويىنشا كاسىپقويلار اراسىنداعى بوكستان الەم چەمپيونى اتاعىن قورعاۋىنا بايلانىستى قۇتتىقتاۋ جەدەلحاتىن جولدادى»، - دەپ حابارلادى اقوردانىڭ ءباسپاسوز قىزمەتى.

جەدەلحاتتا مارتين ميۋررەيمەن جەكپە-جەكتەگى جەڭىس ماقساتكەرلىكتىڭ، قاجىرلى ەڭبەك پەن جوعارى شەبەرلىكتىڭ كەزەكتى جەمىسى ەكەنى ايتىلعان. مەملەكەت باسشىسىنىڭ اتاپ وتكەنىندەي، گ.گولوۆكين وسى قاسيەتىنىڭ ارقاسىندا پلانەتاداعى ەڭ مىقتى بوكسشىلاردىڭ ءبىرى دەگەن اتاققا لايىقتى ەكەنىن دالەلدەدى.

«قازاقستاندىقتار سەنىڭ ءاربىر تابىسىڭا قۋانادى. ءبىز سەنىڭ كەلەسى جەكپە-جەكتەرىڭ دە وتاندىق سپورتتىڭ مارتەبەسىن اسىرىپ، بۇدان دا جوعارى دەڭگەيگە كوتەرەتىنىنە، وسكەلەڭ ۇرپاققا ۇلگى بولاتىنىنا سەنىمدىمىز»، - دەلىنگەن ەلباسى جەدەلحاتىندا.

اباي-اقپارات