جۇما, 20 قاراشا 2026
جاڭالىقتار 58 0 پىكىر 20 قاراشا, 2026 ساعات 14:27

قازاقستان دارىگەرلەرگە 50%-عا دەيىن ۇستەمەاقى تولەيدى...

سۋرەت: medicusunion.com سايتىنان الىندى.

قازاقستاندا دارىگەرلەرگە ەڭبەك ءوتىلى ءۇشىن 50%-عا دەيىن، ال پسيحولوگتارعا جۇكتەمە ءۇشىن 300%-عا دەيىن ۇستەمەاقى تولەنەدى...

2027 جىلعى 1 قاڭتاردان باستاپ ەلىمىزدە العاشقى مەديتسينالىق-سانيتارلىق كومەك (مساك) ۇيىمدارىنداعى مەديتسينا قىزمەتكەرلەرى مەن پسيحولوگتارعا جاڭا ۇستەمەاقىلار ەنگىزىلەدى. ۇكىمەت قوسىمشا تولەمدەردىڭ مولشەرىن ناقتىلادى.

دارىگەرلەر مەن ورتا بۋىن مەديتسينا قىزمەتكەرلەرىنە ۇزدىكسىز جۇمىس ءوتىلى ءۇشىن كەلەسى مولشەردە ۇستەمەاقى تولەنەدى:

  1. ەكى جىلدان اسسا — لاۋازىمدىق جالاقىنىڭ 20%-ى.

  2. ءۇش جىلدان اسسا — 30%-ى.

  3. بەس جىلدان اسسا — 50%-ى.

ۇستەمەاقىلار ۋچاسكەلىك تەراپەۆتەرگە، پەدياترلارعا، جالپى پراكتيكا دارىگەرلەرىنە، مەدبيكەلەرگە، فەلدشەرلەر مەن اكۋشەرلەرگە قاراستىرىلعان.

پسيحولوگتارعا بازالىق لاۋازىمدىق جالاقىنىڭ 300%-ى، ال الەۋمەتتىك قىزمەتكەرلەرگە 200%-ى مولشەرىندە قوسىمشا اقى بەرىلەدى. بۇل تولەمدەر پسيحوەموتسيونالدىق جانە فيزيكالىق جۇكتەمە ءۇشىن تاعايىندالادى.

ۇكىمەت جاڭا تولەمدەر بىلىكتى مامانداردى تۇراقتاندىرۋعا، كادر تاپشىلىعىن ازايتۋعا جانە مەديتسينا قىزمەتكەرلەرىنە تۇسەتىن جۇكتەمەنى جەڭىلدەتۋگە مۇمكىندىك بەرەدى دەپ كۇتۋدە.

Abai.kz

0 پىكىر