باعدادتا جارىلىستان 17 ادام قازا بولدى
يراك استاناسىنىڭ وڭتۇستىگىندەگى بلوكبەكەتتە مينا قويىلعان جۇك كولىگىنىڭ جارىلىسى سالدارىنان 17 ادام قازا تاۋىپ، 60-تان استامى جاراقاتتاندى.
جاڭارتىلعان وسىنداي دەرەكتەردى يراك پوليتسياسىنىڭ دەرەككوزدەرىنە سىلتەمە جاساپ Reuters اگەنتتىگى كەلتىردى، دەپ حابارلايدى قازاقپارات. بۇعان دەيىن، جارىلىستان 13 ادامنىڭ اجال قۇشقانى تۋرالى حابارلانعان بولاتىن. اگەنتتىك مالىمەتىنە سايكەس، جارىلىس قۇرىلعىسى جۇك كولىگى تەكسەرىستەن وتۋگە كەزەكتە تۇرعان كەزدە ىسكە قوسىلعان. جۇك كولىگىنىڭ جانىندا بولعان وزگە بىرنەشە كولىك تە جالىنعا وراندى.
