سوڭعى كۇندەرى الەۋمەتتىك جەلىلەردە  «شەنەۋنىكتەردىڭ» مەشىتتە اياقكيىممەن تۇسكەن سۋرەتى كوپشىلىك اراسىندا قىزۋ تالقىعا ءتۇسىپ، داۋ تۋدىرىپ، ارتى ءدىني دۇردارازدىققا ۇلاسۋدا.  ونىڭ ۇستىنە وسى ماسەلە جونىندە «Kazislam» پورتالىنداعى (http://kazislam.kz/ershat-ongarov)  ساراپشىلىق بلوگىما دا بىرقاتار ازاماتتار اتالمىش جاعدايعا بايلانىستى پىكىر ءبىلدىرىپ، ماسەلەنىڭ اراجىگىن اجىراتىپ بەرىڭىز دەپ وتىنۋدە. 

مەشىتكە ەشقانداي «شەنەۋنىك» ەلىمىز تاۋەلسىزدىك العان جىلداردان بەرى اياقكيىممەن كىرىپ ارالاعان ەمەس. ىلايىم بۇدان كەيىن دە سولاي بولادى. ال، كوپشىلىكتىڭ تالقىسىنا ءتۇسىپ، داۋ تۋدىرعان سۋرەتكە كەلسەك، ول – مەشىتكە كەلەتىن رەسمي قوناقتارعا ارنالعان «سۇيرەتپە» (تاپىشكە). شالباردىڭ بالاعىنان شىعىپ تۇرعان تۇمسىعى تۋفليگە ۇقساعان سۇيرەتپە كوزگە سىرت اياق كىيىمى بولىپ كورىنۋى مۇمكىن. الايدا بۇل سۇيرەتپەلەر مەشىتتىڭ ىشكى ءتارتىبى مەن ادەبىنە، مەشىت درەسس-كودىنا ساي تازا كيىم بولىپ سانالادى. وسىعان ۇقساعان سۇيرەتپەلەردى مەشىت قىزمەتكەرلەرى دە كيەدى.

مەشىت – جەر بەتىندە قۇلشىلىق جاساۋعا ارانالعان قاسيەتتى ورىن، اللانىڭ ءۇيى. سوندىقتان، ءاربىر مۇسىلمان بالاسى قاسيەتتى ورىننىڭ قۇرمەتىن ساقتاۋى ءتيىس. مەشىتكە كەلۋشىنىڭ كىمىنىڭ تازا ءارى ادەمى بولىۋى مەشىت ادەبىنە جاتادى. بۇل جايىندا اللا تاعالا قۇران كارىمدە: «ۋا، ادامنىڭ ۇرپاقتارى! مەشىتكە كەلگەندە اسەم كيىنىڭدەر...», – دەپ، بۇيىرعان ء(ال-اعراف سۇرەسى، 31-ايات). ياعني، مەشىتكە كەلگەندە كيىمىڭىز اسەم، ءارتۇرلى ءناجىس زاتتاردان تازا بولۋى ءتيىس. كيىمگە قاتىستى ەڭ باستى شارت – دەنەنى جالاڭاشتاماي، كيىم كيۋ جانە ونىڭ تازا بولۋى. ال، داۋ تۋدىرعان سۇيرەتپەلەر مەشىت ىشىندە قولدانۋعا عانا ارنالعان ناجىستەن تازا كيىم بولىپ تابىلادى.

قۇرمەتتى اعايىن، سىزدەردەن وتىنەرىم ءبىر ماسەلەنىڭ بايىبىنا بارىپ، اق-قاراسىن اجىراتىپ المايىنشا كورىنگەن كوك اتتىنىڭ (پاسىقتاردىڭ) ايتقانىنا كوڭىل بولمەسەڭىزدەر ەكەن. مۇنداي تىرناق استىنان كىر ىزدەپ، ەلدى ارانداتۋشى اقپاراتپەن الداپ وتىرعاندار بار. ولار وزدەرىن دىنگە جاناشىر، تاقۋا ەتىپ كورسەتكەنىمەن، تەرىس پيعىلى ءىبىلىس مالعۇنعا قولشوقپار ەتۋى مۇمكىن. شاريعات ىلىمدەرىندە ءپاتۋا ايتۋعا ءبىلىمى دە، قۇقى دا جوق كىسىلەردىڭ ايتقانىمەن ءجۇرۋ اقيقاتتى ىزدەۋگە جاتپايدى.

ءدال قازىرگى ۋاقىتتا ءوزارا قىرىق پىشاق بولعانشا، ءدىني ءارى ازاماتتىق تۇرعىدان پارىز بولىپ تابىلاتىن بىرلىك پەن بەرەكەنى ءبىرىنشى كەزەككە قويىپ، يسلامعا قاتىستى كەز-كەلگەن ماسەلەنىڭ جاۋابىن تەك قانا قمدب-دان ء(مۇفتياتتان) عانا العانىمىز ابزال.

ەرشات وڭعاروۆ، «Kazislam» پورتالىنىڭ مەنشىكتى ساراپشىسى، يسلامتانۋشى

Abai.kz