ءسىزدىڭ رەسپۋبليكامىزدىڭ ەكونوميكاسىن، ءبىلىمى مەن عىلىمىن، مادەنيەتى مەن ونەرىن وركەندەتۋ جولىنداعى ەسەلى ەڭبەگىڭىز بۇكىل دۇنيەجۇزىنە جاقسى ءمالىم! ەلىمىزدە ونەردىڭ بارلىق سالالارىن دامىتۋدىڭ مەملەكەتتىك باعدارلامالارىن دامىتۋعا نەگىز بولاتىن يننوۆاتسيالىق جوبالارىڭىز، تەوريا مەن تاجىريبەنى ءوزارا ساباقتاستىرۋ، وقۋ جۇيەسىن جەتىلدىرۋ ارقىلى قازاقستاندىق ءبىلىم مەن عىلىمنىڭ، مادەنيەت پەن ونەردىڭ ساپاسىن الەمدىك دەڭگەيگە كوتەرۋگە سىڭىرگەن سۇبەلى تابىسىڭىز بارشامىزعا ۇلگى.

ءوزىڭىزدىڭ «بولاشاققا باعدار: رۋحاني جاڭعىرۋ» دەپ اتالاتىن ماكالاڭىزدا ءبىرتۇتاس ۇلت بولۋ ءۇشىن جاڭا تۇرپاتتى جاڭعىرۋدىڭ ەڭ باستى شارتتارىن ەرەكشە ايقىنداپ بەردىڭىز. سونىمەن قاتار، «جاھانداعى زاماناۋي قازاقستاندىق مادەنيەت» جوباسىن جۇزەگە اسىرۋدىڭ قاجەتتىگى تۋرالى ناقتى ماقساتتار مەن مىندەتتەردى تۇجىرىمدادىڭىز. الەم جۇرتشىلىعىنا مادەني قازىنالارىمىزدى تانىستىرۋدىڭ جاڭا تاسىلدەرىن ويلاستىرۋ قاجەتتىگىن تاپسىردىڭىز. قازاقستاندى الەمنىڭ دامىعان ەلدەرىنىڭ قاتارىنا جەتەلەيتىن ءسىزدىڭ «ماڭگىلىك ەل» ۇلتتىق يدەياڭىزدى جۇزەگە اسىرۋداعى ەلەۋلى قادامداردىڭ ءبىرى – مادەنيەتپەن تىعىز بايلانىستى ەكەندىگىنە باسا كوڭىل ءبولۋىڭىز، ۇلت بولاشاعىنا دەگەن ۇلكەن جاناشىرلىعىڭىزدىڭ جارقىن دالەلى بولىپ وتىر.

ءبىز تەمىربەك جۇرگەنوۆ اتىنداعى قازاق ۇلتتىق ونەر اكادەمياسىنىڭ ۇجىمى ءسىز كورسەتىپ بەرگەن سارا جولمەن ءتول مادەنيەتىمىزدى الەمنىڭ بارلىق قۇرلىقتارىنا تانىستىرۋ ىسىنە بەلسەنە ارالاساتىنىمىزدى مالىمدەيمىز. ونەر سالاسى بويىنشا الدىنعى قاتارلى ۇلتتىق ءبىلىم بەرۋ جۇيەسىن دامىتا وتىرىپ، الەمدىك دەڭگەيدەگى باسەكەگە قابىلەتتى ماماندار شىعارۋ ءىسىن بۇدان ءارى كۇشەيتە بەرەتىنىمىز ءسوزسىز. سىزدەي ۇلت كوشباسشىسىمەن بىرگە قازاقستاننىڭ ونەرى مەن مادەنيەتىنىڭ گۇلدەنۋىنە ايانباي ەڭبەك ەتەمىز.

اسا قۇرمەتتى نۇرسۇلتان ءابىشۇلى!

ءسىز ەل باسقارۋ قىزمەتىندەگى ساياسي-ديپلوماتيالىق ۇستانىمدارىڭىزدى، جۇيەلى باعدارلامالارىڭىز بەن ىسكەرلىك تاجىريبەڭىزدى قازاق ۇلتىنىڭ بولاشاعىنا ارناپ، قازاقستان رەسپۋبليكاسىنىڭ الەمدىك دەڭگەيدە كورىنۋىنە زور ۇلەس قوسۋداسىز. قاشاندا حالقىڭىزدىڭ قالاۋلىسى، ەلىڭىزدىڭ ەلەۋلىسى بولىپ ەل مارتەبەسىن اسقاقتاتۋ جولىندا الدا كويعان ماقساتتارىڭىزدىڭ جۇزەگە اسۋىنا نيەتتەستىك بىلدىرەمىز! سىزگە زور دەنساۋلىق، باياندى باقىت، ەڭبەگىڭىزگە جەمىس تىلەيمىز!

ىزگى نيەتپەن، ت.جۇرگەنوۆ اتىنداعى قازاق ۇلتتىق ونەر اكادەمياسىنىڭ ۇجىمى

Abai.kz