سەيسەنبى, 21 قىركۇيەك 2021
بيلىك 3972 8 پىكىر 25 ءساۋىر, 2017 ساعات 10:39

بولاشاققا باستايتىن جول

بولاشاققا باستايتىن جول

قۇرمەتتى نۇرسۇلتان ءابىشۇلى!

«ەگەمەن قازاقتان» گازەتىندە «بولاشاققا باعدار – رۋحاني جاڭعىرۋ» تاقىرىبىندا جارىق كورگەن ءسىزدىڭ ەڭبەگىڭىز ءوزىنىڭ تەرەڭ مازمۇنى جانە ماعىناسىمەن ءبىزدىڭ ۇجىمدى قاتتى تولعاندىردى. الەمدىك قاۋىمداستىقتا ورىن الىپ وتىرعان عالامدىق وزگەرىستەر جاعدايىندا، ەلىمىزدىڭ جارقىن بولاشاعىنا تىكەلەي بايلانىستى تاپسىرمالار العا قويىلعاندىقتان، بۇل ماقالاڭىزداعى ۇسىنىستارىڭىزدى تولىق ءارى قىزۋ قولدايمىز. ۇلتتىق سانا مەن رۋحاني جاڭعىرۋعا سەرپىن بەرەتىن ءسىز اتاپ وتكەن بىرنەشە باعىت − ءبىزدىڭ ۇلت رەتىندە الەم ساحناسىنان لايىقتى ءوز ورنىمىزدى الاتىنىمىزعا تولىق سەنەمىز. «بولاشاقتا ۇلتتىڭ تابىستى بولۋى ونىڭ تابيعي بايلىعىمەن ەمەس، ادامدارىنىڭ باسەكەلىك قابىلەتىمەن ايقىندالادى» دەگەن ءسوزىڭىز بىزگە ۇلكەن قۋات بەرەدى. سوندىقتان، ءبىزدىڭ ارقايسىمىز جانە ۇلتىمىز ءححى عاسىردا وسىنداي قاسيەتتەرگە يە بولۋىمىز كەرەك.

قۇرمەتتى، نۇرسۇلتان ءابىشۇلى!

ءسىزدىڭ پراگماتيزم جانە ۇلتتىق بىرلىكتى ساقتاپ قالۋ ماسەلەسىندەگى سۇبەلى ويلارىڭىز ءبىزدى تەرەڭ ويعا قالدىردى. وسى جەردە ءسىزدىڭ تىكەلەي باستاماڭىزبەن قۇرىلعان الەمدە تەڭدەسى جوق قازاقستان حالقى اسسامبلەياسىنىڭ ءرولى جوعارى تۇرعانىن ەرەكشە اتاپ وتەمىز. بۇل قوعامدىق-ساياسي ۇيىمنىڭ ومىرشەڭ ەكەندىگىن ۋاقىتتىڭ ءوزى دالەلدەپ، رەسپۋبليكامىزداعى ۇلتارالىق تاتۋلىقتى ساقتاۋعا شەكسىز ۇلەسىن قوسىپ كەلەدى. سونىمەن قاتار، ءسىز قوعامدىق سانانى جاڭعىرتۋدىڭ نەگىزگى قاعيدالارىن قالىپتاستىرۋ جونىندە ۇلت الدىنا باسقا دا مىندەتتەردى قويىپ وتىرسىز. ولاردىڭ ىشىندەگى ەڭ نەگىزگىلەرىنىڭ ءبىرى − قازاق ءتىلىنىڭ بىرتىندەپ لاتىن الىپبيىنە كوشۋى بولىپ تابىلادى. ءبىز، مۇنىڭ ۋاقىت تالابىنان تۋىنداپ وتىرعانىن جاقسى تۇسىنەمىز. ودان باسقا ۇلتتىق ەكونوميكانىڭ ورلەۋىنىڭ باستى وزەگى زاماناۋي عىلىم قاۋىمداستىعىنىڭ جاڭالىقتارىن جاس ۇرپاققا بەرۋ بولىپ تابىلادى. وسىعان بايلانىستى، ءسىزدىڭ ۇسىنىسىڭىزبەن «جاڭا گۋمانيتارلىق ءبىلىم. قازاق تىلىندەگى 100 جاڭا وقۋلىق» جوباسى قولعا الىنىپ وتىر. وسىنىڭ ءبارى تاريح، ساياساتتانۋ، الەۋمەتتانۋ جانە ت.ب. عىلىمدار توڭىرەگىندە جاستارىمىزعا تولىققاندى ءبىلىم الۋعا كومەكتەسەتىنىنە كامىل سەنەمىز.

ءسىزدىڭ يدەياڭىز − بولاشاققا جول باستاۋ! ونىڭ بارلىق مىندەتتەرىن ورىنداۋ ۇلتتىڭ رۋحاني جاڭعىرىپ كەمەلدەنۋىنە ءسوزسىز جەتەلەيدى.

ا.تشانوۆ، رەسپۋبليكالىق سپورت كوللەدجى رمقك ديرەكتورى

 

تالاپتى ادام جەتىستىككە جەتەدى

قۇرمەتتى نۇرسۇلتان ءابىشۇلى!

ەڭ الدىمەن سىزگە، سۇيىكتى سپورتپەن اينالىسۋعا، كاسىبي وركەندەۋگە جانە جوعارى جەتىستىكتەرگە قول جەتكىزۋگە بەرىلگەن مۇمكىندىكتەرىڭىزگە ۇلكەن العىسىمدى بىلدىرگىم كەلەدى.

«بولاشاققا باعدار: رۋحاني جاڭعىرۋ» باعدارلامالىق ماقالاڭىزعا قاتىستى، ءبىزدىڭ ەلىمىزدىڭ دامۋى مەن ونى الەمدەگى 30 دامىعان ەلدىڭ قاتارىنا قوسۋعا باعىتتالعان ءسىزدىڭ بارلىق باستامالارىڭىزدى قولدايتىندىعىمدى اتاپ وتكىم كەلەدى.

ەلدىڭ جانە ۇلتتىڭ رۋحاني دامۋى – بارلىعىمىزدىڭ الدىمىزدا تۇرعان ۇلكەن مىندەتتەردىڭ ءبىرى. جەكە ادامداردىڭ ەمەس، بارلىق حالىقتىڭ باسەكەگە قابىلەتتىلىگىن جوعارىلاتۋ ارقىلى ايتارلىقتاي جەتىستىكتەرگە قول جەتكىزۋگە بولادى، سونداي-اق، بۇل باعىتتا دا اۋقىمدى جۇمىس اتقارىلۋدا.

ىنتا، تاباندىلىق جانە ماقساتقا تالپىنۋشىلىق بىلدىرگەن ءار ادام جوعارى جەتىستىكتەرگە جەتە الادى. سونىمەن قاتار، الداعى ۋاقىتتا جوسپارلانعان بارلىق جۇمىستار ويداعىداي ىسكە اسىرىلاتىنىنا سەنىمدىمىن.

دينارا سادۋاقاسوۆا، شاحماتتان الەم چەمپيونى، حالىقارالىق گروسسمەيستەر

egemen.kz

8 پىكىر