ءبىزدى ارقاشان جەڭىسكە جەتەلەيدى
ءسىزدىڭ «بولاشاققا باعدار: رۋحاني جاڭعىرۋ» اتتى ماقالاڭىزدا اتادان بالاعا، ۇرپاقتان ۇرپاققا تاراپ، جالعاسىپ كەلە جاتقان قازاق حالقىنىڭ رۋحاني بايلىعى جايلى وتە ورىندى ايتىلعان.
ءسىزدىڭ سىندارلى ساياساتىڭىزدىڭ ارقاسىندا، اتا-انامىزدىڭ، ءتالىمگەرلەرىمىزدىڭ بىزگە بەرگەن ونەگە، تاربيەسىنىڭ ارقاسىندا بۇگىنگى كۇنى ءبىز سپورتتا بيىك جەتىستىكتەرگە جەتىپ وتىرمىز. بويىمىزداعى وتانسۇيگىشتىك، حالقىمىزعا، ەلىمىزگە، جەرىمىزگە دەگەن ماحاببات، بولاشاققا دەگەن دۇرىس باعدار ءبىزدى ارقاشان جەڭىستەرگە جەتەلەپ وتىرادى. ەلىمىزدە بولىپ جاتقان ساياساتتاعى، بىلىمدەگى، ونەردەگى، تاعى دا باسقا سالالارداعى وزگەرىستەردى دۇرىس ءتۇسىنىپ، دۇرىس قابىلداعان ءبىز سياقتى جاس ۇرپاق قانا باسەكەگە قابىلەتتى بولا الادى.
مەن، ءسىزدىڭ سىندارلى ساياساتىڭىزدى ارقاشان قولدايمىن!
دانيار ەلەۋسىنوۆ، وليمپيادا چەمپيونى
بۇل جولعى جاڭعىرۋدىڭ ءجونى بولەك
اسا مارتەبەلى نۇرسۇلتان ءابىشۇلى!
ءبىز – كىتاپحاناشىلار، بيبليوگرافتار، ارحيۆيستەردىڭ ۇجىمى بولىپ وتىرعان ۇلتتىق مەملەكەتتىك كىتاپ پالاتاسى اتىنان رۋحاني جاڭعىرۋعا بايلانىستى بولاشاققا باعدارىمىزبەن تانىسىپ، بارشامىزدىڭ زور قۋانىشقا بولەنىپ وتىرعانىمىزدى سىزگە جەتكىزگىمىز كەلەدى.
بۇل باعداردى زيالى قاۋىم كوپتەن كۇتكەن. كوكتەم شۋاعىمەن جەتكەن جاقسىلىق حابارداي بولدى. جىل باسىندا جاريالانعان تۋعان ەلىمىزدىڭ ءۇشىنشى جاڭعىرۋى باستالعان سوڭ ساياسي جانە ەكونوميكالىق جاڭعىرۋدى جاريالادىڭىز. ءوزىڭىز ايتقانداي، ەتەك-جەڭىمىزدى جيناپ، ەكونوميكامىزدى نىقتاپ الساق، قالعان يگىلىكتەر دە رەت-رەتىمەن جۇزەگە اسا جاتار دەگەن ءسوزىڭىزدىڭ ورىندالىپ جاتقانىنا كۋا بولۋدامىز.
ارينە، رۋحاني جاڭعىرۋ بۇگىننەن باستالعان جوق. تاۋەلسىزدىگىمىزدىڭ 25 جىلىندا تاريحىمىزدى ۇلىقتاعان، مادەنيەتىمىزدى كوتەرگەن، جوعىمىزدى تاۋىپ، بارىمىزدى بايىتقان كوپتەگەن تىندىرىمدى جۇمىستار جاسالدى. سولاردىڭ بارىنە ءوزىڭىز ۇيىتقى بولدىڭىز.
بىراق بۇل جولعى رۋحاني جاڭعىرۋدىڭ ءجونى بولەك، ماڭىزى ەلىمىز ءۇشىن ايرىقشا ەكەنى داۋسىز.
ونىڭ نەگىزگى ۇستىنى – ءبىرتۇتاس ۇلت بولۋ جولىنا كوشىپ، كەمەل كەلەشەگىمىزدى جان-جاقتى ءارى تەرەڭ زەردەلەۋگە ارنالىپ وتىر.
بولاشاقتى باياندى ەتۋ جولىنداعى بۇل تەڭدەسسىز تاريحي مۇمكىندىكتى ءبىز بارىنشا پايدالانامىز دەپ ۋادە بەرەمىز. وسى جولدا بارشا كاسىبي ءبىلىمىمىزدى، قايراتىمىز بەن كۇش-جىگەرىمىزدى ايانباي جۇمسايمىز دەپ ءوزىڭىزدى سەندىرەمىز.
ۇلتتىق مەملەكەتتىك كىتاپ پالاتاسى ۇجىمى اتىنان: الىبەك اسقاروۆ، جازۋشى، مەملەكەتتىك سىيلىقتىڭ لاۋرەاتى، قازاقستاننىڭ ەڭبەك سىڭىرگەن قايراتكەرى
