رەسەي جانە تۇركيا ساۋداداعى شەكتەۋلەردى جويىپ جاتىر
رەسەي پرەزيدەنتى ۆلاديمير پۋتين سوچيدە تۇركيا پرەزيدەنتى رەجەپ تايپ ەردوعانمەن كەزدەسىپ، سيريادا بەيبىتشىلىك ورناتۋ جولدارىن تالقىلادى. پرەزيدەنتتەر جانجالدىڭ ديپلوماتيالىق جولمەن شەشىلگەنىن قالايدى.
ءپۋتيننىڭ ايتۋىنشا، سيريا حالقى ءۇشىن قاۋىپسىز ايماقتار قۇرۋ يدەياسىن قوسىمشا زەرتتەگەن ءجون.
ەردوعاننىڭ مالىمدەۋىنشە، تۇركيا مەن رەسەي بىرىگىپ، تاياۋ شىعىستاعى جاعدايعا ىقپال ەتە الادى.
كەلىسسوزدەردە ەكى جاقتى ساۋدا قاتىناسىن جاقسارتۋ ماسەلەسى دە ءسوز بولدى. تۇركيا اۋىل شارۋاشىلىعى وكىنمدەرىنە سالىنعان ەمبارگونىڭ الىپ تاستالۋىن سۇرادى. پۋتين كەيبىر شەكتەۋلەر "وبەكتيۆتى سەبەپتەرگە بايلانىستى" قالا بەرەدى دەدى. وعان جاۋاپ بەرگەن انكارا رەسەيدى استىق، جۇگەرى جانە كۇنباعىس مايىن تۇركياعا باج سالىعىنسىز اكەلەتىن ەلدەر تىزىمىنەن شىعارىپ تاستادى.
كەلىسسوزدەردەن سوڭ پۋتين ساۋدا كەدەرگىلەرى ماڭگىلىك ەمەس ەكەندىگىن ايتتى، ەردوعان بولسا شەكتەۋلەردىڭ جاقىن ارادا الىپ تاستايتىنىنا ءۇمىت ارتتى.
رەسەي ۆيتسە-پرەمەرى اركادي دۆوركوۆيچتىڭ مالىمدەۋىنشە، جاقىن ۋاقىتتا ازىق-تۇلىك شەكتەۋلەرىنىڭ كوبىسى جويىلادى.
اباي-اقپارات
