«ابىلاي حان رەسەيشىل بولعان تۇلعا»، «جوڭعارلاردى قازاقتىڭ بەيبىت ءومىرى ءۇشىن ورىستار شاۋىپ بەردى» دەپ تاريحتىڭ «اقتاڭداق» بەتتەرىن اشىپ جۇرگەن سەناتور تاسباي  الىستان شولاتىن ادامعا ۇقسايدى. قىزىلجار اتاۋىنا قارسى شىققان تاسباي سيمامباەۆ ۇلتجاندى، بابا تاريحىن قادىر تۇتاتىن ارىپتەستەرىنىڭ «اسىرە» بەلسەندىلىگىن  «ناۋقان ادىنداعى قاربالاس» دەپ باعالاعان بولاتىن. ەندى، مىنە،  ءماجىلىس سايلاۋى مەرزىمىنەن بۇرىن بولۋى مۇمكىن ەكەندىگىن ول تاعى دا ايتىپ وتىر. بۇل جولى تاسەكەڭ توتەسىنەن تارتىپ پەمەر-مينيستردەن ىقتيمال سايلاۋ ءۇشىن قوسىمشا قارجى كوزدەرىن  قاراستىرۋ قاجەتتىگىن ەسكەرتتى .  الايدا، ءماجىلىس سايلاۋىنىڭ بەلگىلەنگەن ۋاقىتىنان بۇرىن ءوتۋى مۇمكىن بە، جوق پا وعان تاسباي سيمامباەۆتىڭ دا كۇمانى بار. ازاتتىق راديوسىنىڭ تىلشىسىنە بەرگەن سۇحباتىنادا سيمامباەۆ: «مەن مەرزىمىنەن بۇرىن ءماجىلىس سايلاۋى  وتەدى دەپ ناقتى ايتقان جوقپىن. تەك ۇكىمەت باسشىسىنا «ساقتىقتا قورلىق جوق» دەپ، قاراجات قاراستىرۋىن سۇرادىم. سايلاۋدىڭ ءوتىپ قالۋى دا مۇمكىن. ونى دا جوققا شىعارۋعا بولمايدى. بۇعان دەيىن دە تاريحتا ونداي جاعدايلار بولعان» دەيدى.
«سايلاۋدىڭ ءوتىپ قالۋى مۇمكىن» دەگەندەي ساۋەگەيلىك تانىتا سويلەگەن سيمامباەۆ «كونستيتۋتسيادا ءبىر جىلدا ەكى بىردەي سايلاۋ وتكىزۋ، ياعني، پرەزيدەنت سايلاۋى مەن پارلامەنت سايلاۋىن قاتار وتكىزۋ كورسەتىلمەگەنىن» ايتادى.

«ابىلاي حان رەسەيشىل بولعان تۇلعا»، «جوڭعارلاردى قازاقتىڭ بەيبىت ءومىرى ءۇشىن ورىستار شاۋىپ بەردى» دەپ تاريحتىڭ «اقتاڭداق» بەتتەرىن اشىپ جۇرگەن سەناتور تاسباي  الىستان شولاتىن ادامعا ۇقسايدى. قىزىلجار اتاۋىنا قارسى شىققان تاسباي سيمامباەۆ ۇلتجاندى، بابا تاريحىن قادىر تۇتاتىن ارىپتەستەرىنىڭ «اسىرە» بەلسەندىلىگىن  «ناۋقان ادىنداعى قاربالاس» دەپ باعالاعان بولاتىن. ەندى، مىنە،  ءماجىلىس سايلاۋى مەرزىمىنەن بۇرىن بولۋى مۇمكىن ەكەندىگىن ول تاعى دا ايتىپ وتىر. بۇل جولى تاسەكەڭ توتەسىنەن تارتىپ پەمەر-مينيستردەن ىقتيمال سايلاۋ ءۇشىن قوسىمشا قارجى كوزدەرىن  قاراستىرۋ قاجەتتىگىن ەسكەرتتى .  الايدا، ءماجىلىس سايلاۋىنىڭ بەلگىلەنگەن ۋاقىتىنان بۇرىن ءوتۋى مۇمكىن بە، جوق پا وعان تاسباي سيمامباەۆتىڭ دا كۇمانى بار. ازاتتىق راديوسىنىڭ تىلشىسىنە بەرگەن سۇحباتىنادا سيمامباەۆ: «مەن مەرزىمىنەن بۇرىن ءماجىلىس سايلاۋى  وتەدى دەپ ناقتى ايتقان جوقپىن. تەك ۇكىمەت باسشىسىنا «ساقتىقتا قورلىق جوق» دەپ، قاراجات قاراستىرۋىن سۇرادىم. سايلاۋدىڭ ءوتىپ قالۋى دا مۇمكىن. ونى دا جوققا شىعارۋعا بولمايدى. بۇعان دەيىن دە تاريحتا ونداي جاعدايلار بولعان» دەيدى.
«سايلاۋدىڭ ءوتىپ قالۋى مۇمكىن» دەگەندەي ساۋەگەيلىك تانىتا سويلەگەن سيمامباەۆ «كونستيتۋتسيادا ءبىر جىلدا ەكى بىردەي سايلاۋ وتكىزۋ، ياعني، پرەزيدەنت سايلاۋى مەن پارلامەنت سايلاۋىن قاتار وتكىزۋ كورسەتىلمەگەنىن» ايتادى.
وسىلاي دا وسىلاي دەپ  تاسباي اعاڭ «تاسىپ» وتىر. تابانداپ قايتا-قايتا ءماجىلىس سايلاۋى تۋرالى ايتا بەرگەنىنەن كۇدىك ەتەمىز:  تورىندە ورال مۇحمەتجانوۆ وتىرعان زاڭ شىعارۋشى ورگاندى تۇبىندە وسى تاسباي تاراتىپ جىبەرىپ جۇرمەسىن؟.. تەگىندە،  ءماجىلىستىڭ جۇمىسىن مەزگىلسىز توقتاۋ  ورال مۇحامەتجانوۆتىڭ ساياسي تاجىريبەسىندە بار جۇمىس ەكەنىن ەسكەرسەك تاسباي بەكەر «تاسىپ» جۇرمەگەن سەكىلدى...

«اباي-اقپارات»