تاجىكستان باس پروكۋراتۋراسى قىزمەتكەرىنىڭ ايتۋىنشا، 18 جاستاعى بەحرۋز ءساۋىر ايىندا دۋشانبە اۋەجايىندا ۇستالعان. حاليموۆتىڭ ۇلى رەسەي ارقىلى سيرياعا كەتپەك بولعان دەلىنەدى. قازىر ول تەرگەۋ اباقتىسىندا وتىر.

بۇعان دەيىن ونىڭ تۋىستارى جاس جىگىتتىڭ قولعا تۇسكەنىن راستاعان ەدى. بىراق بەحرۋزدىڭ سيرياعا بارعىسى كەلگەن دەگەن مالىمەتتى اۋىلداستارى جوققا شىعارىپ وتىر. اۋىل تۇرعىندارىنىڭ ايتۋلارىنشا، اكەسى سيرياعا كەتىپ قالعان سوڭ، ۇلكەن ۇلى وتباسىن اسىراۋ ءۇشىن رەسەيگە جۇمىس ىستەۋگە بارعىسى كەلگەن.

40 جاستاعى پولكوۆنيك حاليموۆ "يسلام مەملەكەتى" سودىرلارىنا قوسىلۋ سەبەبىن تاجىكستان ءىىم تارتىپتەرىنە كوڭىلى تولمايتىندىعىمەن، ەلدە مۇسىلمان كيىمىنە تىيىم سالىنعانىمەن ءتۇسىندىردى. ەكسترەميستىك ۇيىمعا قوسىلعان ول "يم" اسكەري ءمينيسترى قىزمەتىن اتقارعان.

تاجىكستان باس پروكۋراتۋراسى وعان قاتىستى قىلمىستىق ءىس قوزعادى. اقش حاليموۆتىڭ تۋرالى مالىمەت ءۇشىن 3 ملن دوللار سىياقى تاعايىندادى.

اباي-اقپارات