مامىردىڭ 10-شى جۇلدىزىندا قالالىق اكىم شاكىر كەيكىن، ورىنباسارلارى، نۇر-وتان باسشىسى، «جىلوي سۋ» قىزمەتكەرلەرى، ىبىراەۆ بالتاباي، ت.س.س ادامداردان كومميسيا قۇرىلىپ، قۇلسارى قالاسى كنس-تەرىنە تەكسەرۋ جۇمىستارى جۇرگىزىلدى. گكنس-تەن باستاعان كوميسسيا مۇشەلەرى بىردەن كەلەڭسىزدىكتەرگە تاپ بولدى.

نۇر-وتان باسشىسى تومەنگە تۇسەمىن دەپ باسپالداقتان ءبىر ساتى باسىپ تومەنگە قۇلديلاعانى سول ەدى، قولىنا جۇققان لاستى كورىپ لەزدە سول جەردەن كەرى قايتتى. باسپالداق پەن جاقتاۋشالارىنىڭ لاسىن بەينەلەپ بايانداپ بەرۋ تىپتەن مۇمكىن ەمەس ەدى. بۇل جەردىڭ لاستىعى مۇلدەم ستاندارتقا ساي ەمەس. شاحتا تۇبىنە شوككەن لاس سۋدىڭ تۇنعان قالدىعىنان شاحتا جەر استىنداعى سكيپتەردىڭ مۇراجايى قۇساپ تۇر. بۇل جەرگە جاپوننىڭ اۋا تەكسەرەتىن قۇرالىن پايدالانساڭ، اپپارات لەزدە جانىپ كەتەتىن بولار. لاس سۋدان تۇزىلگەن تەڭىزدى كورسەتكەندە تەز ونەرتاپقىش بالتاباي ءسوز تاۋىپ: «بۇل قار مەن جاڭبىردىڭ سۋلارى» دەپ ءبوستى. وركەشى بار تۇيەنى سيىر دەپ جەڭىستىك بەرمەگەن اقىماقتىڭ ءىسى. جۇمىسشىلاردىڭ وتىراتىن جەرلەرى، كيىم كيىسى، جۇمىس كەستەسى زاڭدىلىققا سايكەس كەلمەدى. ءبىر كنس-كە 3 ادام بەكىتىلۋ كەرەك بولسا، بالتەكەڭدە 1 ادام 3 كنس-تى قامتىپ وتىر. دجەككي چان سەكىلدى شاپشاڭ قىزمەتكەرلەردىڭ ءبىر اياعى اندا، ءبىر اياعى مىندا.

ءجۇزىن شىبىن شىلاماعان، بەتىنە ەشكىمدى قاراتپايتىن، باسىنان ءبىر ءسوز اسىرمايتىن، جىلويدىڭ ەركە ءارتىسى بالتاباي ءاۋپ دەگەننەن قالا باسشىسىمەن قىرىلىپ قالدى. ونداعى ماقساتى وزىنىكىن ءجون دەۋ. ۆوكزال ماڭىنداعى كنس-ءتىڭ اينالاسىنىڭ لاسى ءبىر تۇيەگە جۇك بولاتىنداي. قاقپالارى جۇلىنعان، قورشاۋلار سىرلانباعان، ەش جوندەۋ جۇمىستارى جۇرگىزىلمەگەن، جار اكتەلمەگەن، سالتاق-سالتاق. 2-3 ءشى كنس-تەر دە سونداي. پنگس-تەگى كنس پەن قازتەلەكوم جاقتاعىسى قۇلىپتاۋلى بولىپ شىقتى. 6-شى اۋىلداعى كنس-تە رەزەرۆتە تۇراتىن موتورى جوق، كىم الىپ كەتكەنىن جان بىلمەيدى. كەنەت موتور ىستەن شىقسا بالتابايدىڭ دجەت ليدەن شاپشاڭ 24 ۆولت قىزمەتكەرلەرى قاۋعا شەلەكتى موتوردان بەتەر شىر اينالدىراتىنىنا 100 پايىز سەنىمدى. اۆتوبەكەت جاقتاعى كنس-كە كوميسسيا مۇشەلەرى كولىكپەن جەتكەنشە 6-شى اۋىلداعى كنس-تەگى ۆەزدەحود شاپشاڭ قىزمەتكەر اسكەريلەرشە شيراق قيمىلداپ بۇل كنس-ءتىڭ دە ەسىگىن اشتى. كەرەك ماماننىڭ ءبارىن قىزمەتتەن قۋىپ، ەندىگى قول استىنداعى قىزمەتكەرلەرىن موتورشا اينالدىرۋدا. ايتا بەرسە وتە كوپ، بالتاباي دەرەۋ جۇمىستان قۋىلسىن، جانە جازالانىپ زاڭ الدىندا قاتاڭ جاۋاپ بەرسىن! 168,16 بولىپ بەكىگەن سۋ باعامىن نە ءۇشىن 172, 36 قىلىپ ءوسىرىپ جىبەردى، سوعان جاۋاپ بەرىپ حالىقتان كەشىرىم سۇراسىن! توككەن لاس سۋلارى ءۇشىن ايىپپۇل تولەسىن! بۇل ايتىلعاندار ورنىنا كەلمەي جىلوي حالقى ءوز ۇستانىمىنان قايتپاي ەرەۋىلگە شىعادى!

تۇرار شاپقارا

Abai.kz