قورعاس قۇرلىق پورتى قىتايلار قارجى قۇيىپ، قورعاس قاقپاسىنىڭ 49 پايىز اكتسياسىن ساتىپ الاتىن بولدى، - دەپ حابارلايدى اباي-اقپارات naryk.kz سايتىنا سىلتەمە جاساپ.

الەمدەگى ەڭ ءىرى تەڭىز جانە لوگيستيكالىق وپەراتور بولىپ سانالاتىن COSCO Shipping كومپانياسى “قورعاس – شىعىس قاقپاسى” ەەا دامۋىنا قارجى سالۋدى جوسپارلاپ وتىرعان كورىنەدى.  پەكيندە ءوتىپ جاتقان ء“بىر بەلدەۋ – ءبىر جول” حالىقارالىق فورۋمى بارىسىندا وسى كومپانيا  مەن “قازاقستان تەمىر جولى” جانە ليانيۋنگان پورتى ەركىن ساۋدا ايماعىن دامىتۋ تۋرالى كەلىسىمگە قول قويىپ، رەسمي قۇجاتتى بەكىتتى. 

ەندى قىتاي ينۆەستورلارى قورعاس قاقپاسىنىڭ 49 پايىز اكتسياسىن ساتىپ الۋدى جوسپارلاپ وتىر.

رەسمي اقپارات قۇرالدارى “قورعاس – شىعىس قاقپاسى” ەەا COSCO Shipping كومپانياسىنىڭ ءىرى وڭىرلىك ورتالىعىنا اينالماق. بۇل قىتاي مەن قازاقستان اراسىنداعى ساۋدا مەن حالىقارالىق كولىك ءدالىزىنىڭ دامۋىنا سەرپىن بەرەدى" دەپ جازىپ جاتىر.

قۇجاتقا قول قويۋ سالتاناتىنا قر ۇكىمەت باسشىسىنىڭ ورىنباسارى اسقار مامين، قر ينۆەستيتسيالار جانە دامۋ ءمينيسترى جەڭىس قاسىمبەك جانە سىرتقى ىستەر ءمينيسترى قايرات ابدراحمانوۆ قاتىسقان.

قورعاس قۇرلىق پورتى قازاقستانداعى ەڭ ۇلكەن كەدەن بەكەتتەرىنىڭ ءبىرى. قىتاي تاراپى بۇل بەكەتتى تولىعىمەن ءوز باسقارۋىنا الاتىن بولسا، قازاقتىڭ ەسەسى كەتپەي مە؟ ەندىگى قويىلار ساۋال وسى...

ءشارىپحان قايسار

Abai.kz