سەنبى, 20 تامىز 2022
3745 7 پىكىر 16 مامىر, 2017 ساعات 09:33

نازارباەۆ قىتايلىق ء"بىر بەلدەۋدىڭ" "كۇشتى تۇستارىن" ايتتى

قىتايدا ء"بىر بەلدەۋ، ءبىر جول" فورۋمىنا قاتىسىپ جاتقان قازاقستان پرەزيدەنتى نۇرسۇلتان نازارباەۆ بەيجىڭنىڭ جىبەك جولىن جاڭا فورماتتا دامىتۋ ۇسىنىسى "الەمدەگى كۇشەيىپ كەلە جاتقان ساياسي، ەكونوميكالىق جانە گۋمانيتارلىق داعدارىستارعا ۋاقىتىندا بەرىلگەن جاۋاپ" ەكەنىن جانە "جاڭا گەوەكونوميكالىق پاراديگما تۇزۋگە مۇمكىندىك تۋدىراتىنىن" مالىمدەدى.

"بىرلەسكەن دامۋ ارقىلى تۇراقتىلىق ورناتۋ" ءادىسى قازىر ونداعان ەلدىڭ ەكونوميكالىق مۇددەسىن قامتيتىن حالىقارالىق ىنتىماقتاستىقتىڭ جاعىمدى فورماسى سانالادى. وسىعان بايلانىستى قازىر جىبەك جولىنىڭ بەلگىلى ءبىر كونتۋرلارى ايقىن بولىپ تۇرعان كەزدە بۇل ماكروايماقتىق كووپەراتسيانى بىرلەسە ىسكە اسىرۋ كەرەك. سونىمەن قاتار جىبەك جولى باستامالارىن ىسكە اسىرۋ تۇتاس ايماقتاردى، ونىڭ ىشىندە ورتالىق ازيانى عالامدىق دەڭگەيگە جاڭاشا كورسەتۋگە جول اشادى" دەدى نازارباەۆ.

قازاقستان پرەزيدەنتى سونىمەن قاتار جىبەك جولى ەكونوميكالىق بەلدەۋى شانحاي ىنتىماقتاستىق ۇيىمى، ەۋرازيا ەكونوميكالىق وداعى مەن ەۋروپا وداعىن ءتيىمدى بايلانىستىرۋى مۇمكىن ەكەنىن ايتتى.

نازارباەۆتىڭ سوزىنە قاراعاندا، كولەمى ارتىپ كەلە جاتقان ترانزيتتىك پوتەنتسيالدى يگەرۋ ءۇشىن تاۋار اينالىمىن قىزمەت كورسەتۋ ساپاسىن ارتتىرۋ، اكىمشىلىك كەدەرگىلەردى جويۋ ارقىلى جەڭىلدەتۋ كەرەك. نازارباەۆ قازاقستان بيىل بۇل ماقساتتا "ناقتى شارالار جاساپ جاتقانىن" ايتتى. "بۇل ساراپتاما مەن ءتيىستى قارجىنى قاجەت ەتەدى. ازيا ينفراقۇرىلىمدى ينۆەستيتسيالاۋ بانكى مۇنداي باعدارلامالاردى بەلسەندى تۇردە قارجىلاندىرۋى قاجەت دەپ ويلايمىن" دەدى.

قىتاي بيىل ءوزىنىڭ يۋ قالاسىنان لوندونعا تىكە جۇك پويىزىمەن تاۋار تاسىمالداي باستاعان. پويىز ارالىعى 12 مىڭ كيلومەترگە جۋىقتايتىن جولدى 18 كۇن جۇرەدى. پويىز مارشرۋتى قازاقستان، رەسەي، بەلارۋس، پولشا، گەرمانيا، بەلگيا جانە فرانتسيا ارقىلى وتەدى.

اباي-اقپارات

7 پىكىر

ۇزدىك ماتەريالدار

الاشوردا

الاش-ارمان

بەيبىت قويشىباەۆ  2947
بىلگەنگە مارجان

حيلدا حۋكحەم جانە ۇلى قولباسشىلار

بەيسەنعازى ۇلىقبەك 2159
ادەبيەت

ءتۇس

ەرعالي باقاش 1818
انە، كوردىڭ بە؟

ارحيمەد كىمدى قورعاشتايدى؟

جايبەرگەن بولاتوۆ 2919