بەيسەنبى, 18 تامىز 2022
3365 3 پىكىر 16 مامىر, 2017 ساعات 10:05

الماتىدا «جاھانداعى زاماناۋي قازاقستاندىق مادەنيەت» جوباسى بويىنشا قۇرىلعان جۇمىس توبىنىڭ العاشقى وتىرىسى ءوتتى

الماتىدا قر پرەزيدەنتى نۇرسۇلتان نازارباەۆتىڭ «بولاشاققا باعدار: رۋحاني جاڭعىرۋ» اتتى ماقالاسىندا ايتىلعان مىندەتتەردىڭ ءبىرى - «جاھانداعى زاماناۋي قازاقستاندىق مادەنيەت» جوباسى بويىنشا قۇرىلعان جۇمىس توبىنىڭ العاشقى وتىرىسى ءوتتى، دەپ حابارلايدى قازاقپارات ءتىلشىسى.

جيىندا قر پرەزيدەنتى اكىمشىلىگى ىشكى ساياسات ءبولىمىنىڭ مەڭگەرۋشىسى ايدا بالاەۆا اتالعان جوبا الەمنىڭ ماڭدايالدى تۋىندىلارى قاتارىنا تاۋەلسىزدىك جىلدارى جارىققا شىققان قازاقستاننىڭ مادەني قۇندىلىقتارىن قوسۋعا، سونداي-اق، بولاشاقتا ونىڭ الەمدىك مادەنيەتتىڭ ءبىر بولشەگىنە اينالۋىنا جول اشاتىنىن ايتتى.

ىرىكتەلىپ الىنعان تۋىندىلار ەلىمىزدە ءومىر ءسۇرىپ جاتقان بارلىق مادەنيەتتەر مەن ۇلتتاردىڭ ۇلتارالىق پاليتراسىن قامتۋى كەرەك.

وسى سالا بويىنشا قۇرىلعان جۇمىس توبى مادەني تۋىندىلاردى ىرىكتەۋ بويىنشا ۇيىمداستىرۋ جۇمىستارىن جۇيەلەۋدى باستاماق. جۇمىس توبىنىڭ مۇشەسى عالىم ەرلان سايىروۆ «بۇل جوبا حالىق اراسىندا الەۋمەتتىك ءوپتيميزمدى تۋدىرادى» دەگەن پىكىر ايتتى.

«جاھاندىق زاماناۋي قازاقستاندىق مادەنيەت» اتتى جوبانىڭ ءبىرىنشى وتىرىسى ءوتتى. بۇل جەردەگى نەگىزگى ماقسات - بارلىق شىعارماشىلىق ورتالىق وكىلدەرىنىڭ باسىن قوسىپ، ەلباسى مىندەتىن جۇزەگە اسىرۋ. ول مىندەت - كەلەسى جىلدان باستاپ، بىرىككەن ۇلتتار ۇيىمىنىڭ التى تىلىندە قازاق ءتىلى، ادەبيەتى، مادەنيەتى، ونەر، تەاتر، كينو سالاسى بويىنشا ۇزدىك تۋىندىلاردى حالىقارالىق دەڭگەيگە شىعارۋ. بۇل جوبا حالىقتىڭ اراسىندا الەۋمەتتىك ءوپتيميزمدى تۋدىرادى. سونىمەن قاتار، بولاشاقتا قازاقستاننىڭ ستراتەگيالىق رەسۋستارىن جاسايدى دەپ ويلايمىن. ونەر سالاسىندا جۇمىس توبى قۇرىلدى، سول جۇمىس توبى اياسىندا ساراپشىلار قۇرىلادى. ساراپشىلار توبى شورت-پاراق ارقىلى جۇمىس ىستەيدى. ناقتىراق ايتقاندا، قازاقستانداعى ونەردىڭ 4 باعىتى بويىنشا، ەڭ ۇزدىك تۋىنداردى جينايدى. سوسىن، وسى جىلدىڭ ەكىنشى جارتىسىندا بۇكىلحالىقتىق تالقىلاۋعا ۇسىنىلادى. تالقىلاۋدان ىرىكتەلىنگەن شىعارمالار مەملەكەتتىك كوميسسياعا جىبەرىلەدى»، - دەدى جۇمىس توبىنىڭ مۇشەسى، ساياساتتانۋشى ەرلان سايىروۆ.

كسرو جانە قازاقستان جازۋشىلار وداعىنىڭ مۇشەسى ليۋبوۆ شاشكوۆا اتالعان جوبانىڭ باستى ماقساتىنىڭ ءبىرى قازىرگى قازاقستاننىڭ اۆتورلارى مەن شىعارمالارىن تانىمال ەتۋ ەكەنىن ايتتى.

«الەمدە باسىلىپ جاتقان، تەاتر ساحنالارىندا قويىلىپ جاتقان، مۋزىكالىق الاڭداردا ورىندالىپ جاتقان كوريفەيلەرىمىزدى تانيمىز، كلاسسيكامىزدى، ۇلى فولكلورىمىزدى بىلەمىز، ال قازاقستاندا تاۋەلسىزدىك جىلدارى قانداي تۋىندىلار جارىققا شىقتى، جاستار نە جازدى، مىنە، وسىنى تانىتۋ - مىندەت»، - دەدى ول.

جيىندا زاماناۋي مادەنيەتتىڭ ۇزدىك ۇلگىلەرىنىڭ تىزبەسىن جاساۋ ءۇشىن جۇمىس توبىنا قاجەت ىرىكتەۋدىڭ ناقتى كريتەريلەرى ايتىلدى. ناقتىراق ايتقاندا، بىرىنشىدەن، تۋىندى قازاقستاننىڭ تاۋەلسىزدىگى كەزەڭىندە دۇنيەگە كەلگەن بولۋى شارت، ەكىنشى، قوعامدا حالىق مويىنداعان، تانىلعان اۆتورلار بولۋى كەرەك. ءۇشىنشى، جارىق كورگەن تۋىندى (كىتاپ، فيلموگرافيا، تەاتر قويىلىمى، كورمەلەرگە قاتىسۋ ت.ب.) قوعامدا تانىمال بولۋى ءتيىس. ءتورتىنشى، تۋىندى جاڭاشىلدىعىمەن، بىرەگەيلىگىمەن، زياتكەرلىگىمەن، وبرازدىلىعىمەن، ۇلتتىق بولمىسىمەن ەرەكشەلەنۋى ءتيىس. بەسىنشى، تۋىندى جوعارى كاسىبي دەڭگەيگە، مادەني، ادەبي تالعامعا، ساحنالىق مادەنيەتكە ساي بولۋى قاجەت. التىنشى، تۋىندى زورلىق-زومبىلىقتى، ءدىني ارازدىقتى، ناشاقورلىقتى ناسيحاتتاماۋى ءتيىس. جەتىنشى، ىرىكتەۋ كەزىندە قازاقستان اۋماعىندا تۇراتىن بارلىق مادەنيەت وكىلدەرى، ۇلتتىق پاليترا ەسكەرىلۋى قاجەت.

ايتا كەتەيىك، تۋىندىلاردى ىرىكتەۋ 3 كەزەڭ بويىنشا جۇزەگە اسىرىلماق. تۋىندىلارعا ءتيىستى ساراپتاما مەن ىرىكتەۋ جۇرگىزىلگەن سوڭ، جۇمىستاردىڭ ءتىزىمى جۇمىس توبىنىڭ جالپى وتىرىسىندا تالقىلانىپ، ۇلتتىق كوميسسيانىڭ قاراۋىنا، بەكىتۋىنە جىبەرىلەدى.

اباي-اقپارات

3 پىكىر

ۇزدىك ماتەريالدار

الاشوردا

الاش-ارمان

بەيبىت قويشىباەۆ  2776
بىلگەنگە مارجان

حيلدا حۋكحەم جانە ۇلى قولباسشىلار

بەيسەنعازى ۇلىقبەك 2134
ادەبيەت

ءتۇس

ەرعالي باقاش 1799
انە، كوردىڭ بە؟

ارحيمەد كىمدى قورعاشتايدى؟

جايبەرگەن بولاتوۆ 2895