قارجى مينيسترلىگى مەملەكەتتىك كىرىستەر كوميتەتىنىڭ استانا قالاسى بويىنشا مەملەكەتتىك كىرىستەر دەپارتامەنتىنىڭ باسشىسى بولىپ مانزوروۆ سەرىك باعداتۇلى تاعايىندالدى. 

قارجى مينيسترلىگىنىڭ اپپارات باسشىسى ەرنار ەرجانوۆ استانا قالاسى بويىنشا مەملەكەتتىك كىرىستەر دەپارتامەنتىنىڭ ۇجىمىنا جاڭادان تاعايىندالعان باسشىنى سەرىك مانزوروۆتى تانىستىردى.

سەرىك مانزوروۆ مەملەكەتتىك ورگاندار مەن سالىق قىزمەتى جۇيەسىندە كوپ جىلدىق ەڭبەك وتىلىنە يە. ەڭبەك جولىن 2006 جىلى الماتى قالاسى اكىمدىگىندە باستاعان.

ءار جىلدارى جەتەكشى ماماننان اۋدان اكىمىنىڭ ورىنباسارىنا دەيىنگى ءتۇرلى لاۋازىمداردا جۇمىس ىستەگەن. سونداي-اق قارجى مينيسترلىگى مەملەكەتتىك كىرىستەر كوميتەتى مەن قازاقستان رەسپۋبليكاسى پرەزيدەنتى اكىمشىلىگىندە قىزمەت اتقارعان.

مەملەكەتتىك كىرىستەر جۇيەسىندە 2010 جىلدان بەرى ەڭبەك ەتىپ كەلەدى. وسى ۋاقىت ارالىعىندا باس ماماننان دەپارتامەنت باسشىسىنىڭ ورىنباسارىنا دەيىنگى قىزمەت جولىنان وتكەن.

2021 جىلدىڭ قىركۇيەگىنەن باستاپ ماڭعىستاۋ وبلىسى بويىنشا مەملەكەتتىك كىرىستەر دەپارتامەنتىن باسقارىپ كەلدى.

قۇقىقتانۋ، قارجى جانە مەملەكەتتىك باسقارۋ سالالارىندا ءبىلىمى بار. ءال-فارابي اتىنداعى قازۇۋ، ت. رىسقۇلوۆ اتىنداعى قازاق ەكونوميكا ۋنيۆەرسيتەتى جانە قازاقستان رەسپۋبليكاسى پرەزيدەنتى جانىنداعى مەملەكەتتىك باسقارۋ اكادەمياسىن تامامداعان.

Abai.kz