ەسكە الۋعا جينالعاندار «گۋزەل كىرىم» («كورىكتى قىرىم») ءانىن ايتتى، سونىمەن بىرگە دەپورتاتسيا كۋاگەرلەرى - ۇلكەن بۋىننىڭ اڭگىمەلەرىن تىڭدادى. قاتىسۋشىلار ەسكەر الۋ شاراسىن ورتالىق ساياباقتاعى دەپورتاتسيالانعان قىرىم تاتارلارىنا ارنالعان اللەيادا بىلتە شامىن جاعۋمەن اياقتادى.

1944 جىلى 18 مامىردا قىرىم تۇبەگىنەن ورتالىق ازياعا قىرىم تاتارلارىنىڭ العاشقى لەگى جونەلتىلدى. ءۇش كۇندە قىرىمنان ورتالىق ازيا ەلدەرى مەن سىبىرگە 180 مىڭنان استام ادام كۇشتەپ قونىستاندىرىلعان. ولاردىڭ 30 مىڭنان استامى العاشقى جىلى اشتىق پەن سۋىقتان قۇربان بولدى. ۋكراينادا جىل سايىن دەپورتاتسيا قۇرباندارىن ەسكە الادى. رەسەي بيلىگى 2014 جىلى قىرىمدى اننەكسيالاپ العان سوڭ قىرىم تاتارلارىنىڭ بەلسەندىلەرىنە بۇل كۇنى كوپشىلىك شارالار ۇيىمداستىرۋعا تىيىم سالعان.

"ۆاتانداش" ورتالىعىنىڭ مالىمەتىنشە، قازاقستاندا ءۇش مىڭعا جۋىق قىرىم تاتارلارى تۇرادى.

Abai.kz