​ترامپ يراندى ايماقتا "جانجال تۇتاتقان" شەيىت جاساقتارىن قارجىلاندىردى، ۇيرەتتى جانە قارۋلاندىردى دەپ ايىپتادى. بۇعان قوسا، ول سيريالىق پرەزيدەنت باشار اسادقا قولداۋ كورسەتكەن تەگەراندى سىنادى. ترامپتىڭ مالىمدەۋىنشە، سيريادا التى جىلدىق ازامات سوعىسى كەزىندە اساد "سوزبەن جەتكىزگىسىز قىلمىستار" جاسادى.

ترامپ مۇسىلمانداردى ءدىني يدەيالاردى جامىلعان ەكسترەميزممەن جانە تەرروريزممەن كۇرەسۋگە شاقىردى. اقش پرەزيدەنتىنىڭ مالىمدەۋىنشە، تەرروريزممەن كۇرەستى دىندەر اراسىنداعى سوعىس ەمەس، "جاقسىلىق پەن جاماندىق كۇرەسى" دەپ ءتۇسىنۋ كەرەك.

ول يسلام مەملەكەتتەرىنىڭ باسشىلارىنا "امەريكا ءوزىنىڭ ءومىر سالتىن باسقالارعا تاراتۋدى كوزدەمەيدى، بىراق ارىپتەستىك پەن سەنىم ورناتۋ ءۇشىن قول ۇشىن سوزادى" دەدى.

ترامپتىڭ بۇل مالىمدەمەسىنە ەرەكشە ءمان بەرىلدى. ويتكەنى ونىڭ پرەزيدەنتتىك سايلاۋ ناۋقانى قارساڭىنداعى سوزدەرىن كوپشىلىگى مۇسىلماندارعا قارسى باعىتتالعان دەپ تۇسىنگەن ەدى.

اباي-اقپارات