اۋعانستان ۆيتسە-پرەزيدەنتى دۋستۋم ەلدەن كەتىپ قالدى
اۋعانستاننىڭ ۆيتسە-پرەزيدەنتى گەنەرال ابدۋل راشيد دۋستۋم ەلدى تاستاپ كەتتى. دۋستۋمنىڭ باسپاسوزبەن بايلانىس جونىندەگى كەڭەسشىسى ياسين حاموشتىڭ ازاتتىق راديوسىنا حابارلاۋىنشا، ول ەمدەلۋ ءۇشىن تۇركياعا توقتاعان.
ۆيتسە-پرەزيدەنتتىڭ تاعى ءبىر جاقتاسى، پارلامەنت دەپۋتاتى باشيد پحماد ءتاياندجدىڭ مالىمدەۋىنشە، دۋستۋم قاشىپ كەتكەن جوق، ەم قابىلداعان سوڭ ەلگە قايتىپ ورالادى. ونىڭ دەنساۋلىق جاعدايى تۋرالى ەشتەمە ايتىلمادى.
اۋعانستان بيلىگى 2016 جىلى جۋزجان پروۆينتسياسىنىڭ بۇرىنعى گۋبەرناتورى احماد ءيشچيدىڭ مالىمدەمەسىنەن سوڭ تەرگەۋ جۇرگىزە باستادى. ءيشچيدىڭ ايتۋىنشا، دۋستۋمنىڭ ادامدارى ونى ۇرلاپ اكەتىپ، سوققىعا شىققان، سەكسۋالدىق سيپاتتا ازاپ كورسەتكەن.
دەگەنمەن دۋستۋمدى تەرگەگەن جوق جانە وعان قارسى ايىپ تاعىلمادى.
2008 جىلى دا اۋعان وزبەكتەرىنىڭ جەتەكشىسى دۋستۋم تۇركياعا قاشىپ كەتكەن، سول كەزدە دە اۋعانستاندا وعان قارسى ايىپتار تاعىلعان.
اباي-اقپارات
