استاناداعى ەسكى ۇيلەردىڭ تۇرعىندارى قالا اكىمدىگىن سوتقا بەردى
استانادا 12 تۇرعىن قالالىق اكىمدىك عيماراتى الدىنا جينالىپ، شەنەۋنىكتەرگە سوتقا شاقىرتۋ تاپسىرعىسى كەلدى. تۇرعىندار بۇنىڭ الدىندا استانانىڭ الماتى اۋداندىق سوتىنا شاعىمدانعان.
تۇرعىندار استانا ورتالىعىنداعى (كەنەسارى جانە يانۋشكەۆيچ كوشەلەرىنىڭ قيىلىسى) 1960 جىلعى ەكى قاباتتى ەسكى ۇيدەن "جاعالاۋ-4" تۇرعىن ءۇي كەشەنىنە كوشىرۋ تۋرالى اكىمدىك قاۋلىسىنىڭ كۇشىن جويۋىن سوتتان سۇرادى. ەسكى جانە اپاتتى ۇيلەردىڭ تۇرعىندارى كوشىرىلەتىن بۇل اۋدان ءالى تولىق بىتپەگەن.
الەنا كوداكتىڭ ايتۋىنشا، ءۇش بولمەلى پاتەرى بارلارعا ەكى بولمەلى پاتەر بەرگەن، "وتباسىلىق جاعدايى، مۇگەدەكتىك ەسكەرىلمەگەن".
تاعى ءبىر تۇرعىن ناتاليا ناۆيتسكايانىڭ ايتۋىنشا، ولار كوشىرىلەتىن اۋداندا قالانىڭ قالدىق سۋى قۇيىلاتىن تالدىكول كولشىگى ورنالاسقان. بۇل كول ۇنەمى ساسىپ جاتادى. ونىڭ ءيىسى قالاعا دەيىن جەتەدى. وتكەن جىلى وسى ساسىق ءيىس ءۇشىن قازاقستان پرەزيدەنتى نۇرسۇلتان نازارباەۆ سىن ايتقان ەدى.
استانا تۇرعىن ءۇي باسقارماسىنداعىلار بولسا پاتەر كولەمىنە ساي پاتەر بولىنگەنىن العا تارتىپ وتىر. باسقارما وكىلى ساۋلەگۇل جاقسىباەۆانىڭ سوزىنە قاراعاندا، ازاماتتاردىڭ قۇقىقتارى بۇزىلعان جوق، قالا بيلىگى اپاتتى ۇيدە تۇراتىنداردىڭ جاعدايىن جاقسارتقىسى كەلەدى.
اباي-اقپارات
