الماتىداعى ىقىلاس اتىنداعى قازاق حالىق اسپاپتار مۇراجايىندا قازاقستاننىڭ ەڭبەك سىڭىرگەن مادەنيەت قايراتكەرى، ءانشى-كومپوزيتور تۇرسىنعازى راحيموۆتى ەسكە الۋ كەشى ءوتتى.

اتالعان شارا بارىسىندا كومپوزيتوردىڭ اندەرى ورىندالىپ، زامانداس دوستارى مەن ىنىلەرىنىڭ ەستەلىكتەرى ايتىلدى.

قازاقستاننىڭ مادەنيەت قايراتكەرى، تالانتتى ءانشى ەركىن شۇكىماننىڭ ۇيىتقى بولۋىمەن جارىققا شىققان "ساعىنباسقا نە شارا" اتتى كىتاپتىڭ تۇساۋكەسەر سالتاناتى دا بولدى.

كىتاپقا كومپوزيتوردىڭ 70-كە جۋىق ءانى مەن قازاق ونەرىندە وزىندىك دارا جول سالىپ كەتكەن كومپوزيتور تۇرسىنعازى راحيموۆ تۋرالى ەسسە-ەستەلىكتەرى ەنىپتى.

ايتا كەتەيىك، ءانشى ەركىن شۇكىمان رەداكتورلىق ەتىپ، اندەرىن نوتاعا تۇسىرگەن "ساعىنباسقا نە  شارا؟" اتتى كىتاپتىڭ جارىققا شىعۋىنا "اتامۇرا" باسپاسى قولداۋ كورسەتكەن.

سونىمەن قاتار، سازگەردىڭ ۇلى شالقار راحيموۆ ىقىلاس اتىنداعى قازاق حالىق اسپاپتار مۋزەيىنە اكەسىنىڭ دومبىراسىن تابىستادى.

كەش بارىسىندا جولامان قۇجيمانوۆ، سايات نۇرعازين، امانگەلدى كۇزەۋباي، تالعات ابۋعازى، جاسۇلان ساقاەۆ، ناريمان قاجىمۇراتۇلى، سايان بودەسوۆ، ەرعالي اعايداروۆ، ساۋلەجان تاعزيا، Əدىلەت Əدىكەنوۆ، ازات دۋلاتۇلى اۆتوردىڭ  اندەرىن شىرقادى. اندەردىڭ تاريحىمەن كەش جۇرگىزۋشىسى ءارى ۇيىمداستىرۋشىسى ەركىن شۇكىمان تانىستىرىپ وتىردى.

Abai.kz