سۋلتانزودا بۇرىنعى قىزمەتكەرلەر توبىنىڭ ۇستالعانىن راستادى، بىراق وعان قاتىستى پىكىر بىلدىرۋدەن باس تارتتى. قىلمىستى تەرگەۋمەن ارنايى توپ اينالىسىپ جاتىر.

اگەنتتىك باسشىسى بۇرىنعى ورىنباسار داۆلاتبەك حايرزودانىڭ اتا-اناسىنىڭ ۇيىنەن 35 ملن دوللار، ال بۇرىنعى اعا تەرگەۋشى فيرۋز حولمۋرودزودادان - 1,3 ملن دوللار جانە 6 كگ التىن تابىلعان دەگەن مالىمەتتى جوققا شىعاردى.

ونىڭ ايتۋىنشا، بۇرىنعى اعا تەرگەۋشى فيرداۆس نيوزبادالوۆتىڭ قويماسىنان اقشا، باعالى تاستار مەن التىن تولى قاپتار تابىلعان دەگەن اقپارات شىندىققا جاناسپايدى.

تاجىكستاندا بيىل ءساۋىر ايىنىڭ اياعىندا قارجى پوليتسياسىنىڭ كوپتەگەن شەنەۋنىگى ۇستالدى. دەرەككوز مالىمەتى بويىنشا، اگەنتتىكتىڭ بۇرىنعى جەتى قىزمەتكەرى قولعا تۇسكەنى راستالدى.

اباي-اقپارات