پاۆلودار وبلىسى شەكاراسىنداعى اۆتوكولىك جولدارى رەسپۋبليكالىق ماڭىزعا يە. قازىرگى ۋاقىتتا ايماقتاعى اۆتوكولىك جولدارىنا ارنالعان جوندەۋ جۇمىستارى قارقىندى ءجۇرىپ جاتىر. بۇل تۋرالى قازاقستان رەسپۋبليكاسى كولىك جانە كوممۋنيكاتسيا مينيسترلىگى اۆتوكولىك جولدارى كوميتەتى پاۆلودار وبلىستىق اۆتوكولىك جولدارى دەپارتامەنتىنىڭ ديرەكتورى امانگەلدى ەلۋبايۇلى بەكتۇروۆ 2010 جىلدىڭ ءى جارتىجىلدىعىن قورىتىندىلاۋعا ارنالعان ءباسپاسوز ءماسليحاتىندا مالىمدەدى.
2010 جىلى پاۆلودار وبلىسىنىڭ رەسپۋبليكالىق ماڭىزداعى اۆتوكولىك جولدارىن جوندەۋگە رەسپۋبليكالىق بيۋدجەتتەن 5232,2 ميلليون تەڭگە بولىنگەن. ونىڭ 2613,7 ميلليونى جولداردى قايتادان قالپىنا كەلتىرۋگە، 1897,5 ميلليون تەڭگە كۇردەلى جوندەۋ جۇمىستارىنا بولىنسە، 310,9 ميلليون تەڭگە ورتاشا جوندەۋ جۇمىستارىنا بىرىلگەن. جەر پايدالانۋ قۇجاتتارىن قۇقىقتىق نەگىزدە راسىمدەۋگە 5,0 ميلليون تەڭگە بولىنسە، اعىمداعى ۋاقىتتا ءجۇرىپ جاتقان جولدى كۇتىپ ۇستاۋ جانە كوگالداندىرۋ جۇمىستارىنا 405,0 ميلليون تەڭگە ءبولىندى.

پاۆلودار وبلىسى شەكاراسىنداعى اۆتوكولىك جولدارى رەسپۋبليكالىق ماڭىزعا يە. قازىرگى ۋاقىتتا ايماقتاعى اۆتوكولىك جولدارىنا ارنالعان جوندەۋ جۇمىستارى قارقىندى ءجۇرىپ جاتىر. بۇل تۋرالى قازاقستان رەسپۋبليكاسى كولىك جانە كوممۋنيكاتسيا مينيسترلىگى اۆتوكولىك جولدارى كوميتەتى پاۆلودار وبلىستىق اۆتوكولىك جولدارى دەپارتامەنتىنىڭ ديرەكتورى امانگەلدى ەلۋبايۇلى بەكتۇروۆ 2010 جىلدىڭ ءى جارتىجىلدىعىن قورىتىندىلاۋعا ارنالعان ءباسپاسوز ءماسليحاتىندا مالىمدەدى.
2010 جىلى پاۆلودار وبلىسىنىڭ رەسپۋبليكالىق ماڭىزداعى اۆتوكولىك جولدارىن جوندەۋگە رەسپۋبليكالىق بيۋدجەتتەن 5232,2 ميلليون تەڭگە بولىنگەن. ونىڭ 2613,7 ميلليونى جولداردى قايتادان قالپىنا كەلتىرۋگە، 1897,5 ميلليون تەڭگە كۇردەلى جوندەۋ جۇمىستارىنا بولىنسە، 310,9 ميلليون تەڭگە ورتاشا جوندەۋ جۇمىستارىنا بىرىلگەن. جەر پايدالانۋ قۇجاتتارىن قۇقىقتىق نەگىزدە راسىمدەۋگە 5,0 ميلليون تەڭگە بولىنسە، اعىمداعى ۋاقىتتا ءجۇرىپ جاتقان جولدى كۇتىپ ۇستاۋ جانە كوگالداندىرۋ جۇمىستارىنا 405,0 ميلليون تەڭگە ءبولىندى.
«دەپارتامەنت 2010 جىلدىڭ ءى جارتى-جىلدىعىندا بولىنگەن قاراجاتتىڭ 2915,9 ميلليون تەڭگەسىن يگەردى. بۇل رەتتە جولداردى قايتادان قالپىنا كەلتىرۋگە 1591,9 ميلليون تەڭگە، كۇردەلى جوندەۋ جۇمىستارىنا 902,8 ميلليون تەڭگە، ورتاشا جوندەۋ جۇمىستارىنا 144,8 ميلليون تەڭگە جۇمسالدى. اعىمداعى ۋاقىتتا ءجۇرىپ جاتقان جولدى كۇتىپ ۇستاۋ جانە كوگالداندىرۋ جۇمىستارىندا 276,0 ميلليون تەڭگە جانە جەر پايدالانۋ قۇجاتتارىن قۇقىقتىق نەگىزدە راسىمدەۋدە 0,4 ميلليون تەڭگە يگەرىلىپ، ىسكە استى»،- دەدى دەپارتامەنت ديرەكتورى ا.بەكتۇروۆ.
كەلەسى جارتىجىلدىققا «ومبى-پاۆلودار» باعىتىنداعى اۆتوكولىك جولىنىڭ 40 كيلومەتر (208-248 كيلومەتر ارالىعى) جەرىنە قايتا جوندەۋ جۇمىستارى جۇرگىزىلمەك. سونىمەن قاتار «قاراعاندى-پاۆلودار» باعىتىنداعى 22 كيلومەتر جەرگە كۇردەلى جوندەۋ جۇمىستارى جۇرگىزىلەدى دەپ جوسپارلانىپ وتىر. دەپارتامەنت ديرەكتورىنىڭ مالىمدەۋىنشە «لەنين كەنتى - اقسۋ-كوكتوبە- كۋرچاتوۆ قالاسى» باعىتىنداعى اۆتوكولىك جولىنا كۇردەلى جوندەۋ جۇمىستارى 2011 جىلى جۇزەگە اسادى.
پاۆلودار وبلىسىنداعى رەسپۋبليكالىق جولداردىڭ جالپى ۇزىندىعى 1510,4 كيلومەتردى قۇرايدى. ونىڭ ىشىندە 1451,4 كيلومەترى اسفالتتى-بەتوندى قارا جول، 55,6 كيلومەترى - قاتتى جولدار. بۇعان قاشىر-ميحايلوۆكا سەلوسى (رەسەي فەدەراتسياسىنىڭ شەكاراسى) باعىتىندا 18 كيلومەتر، ۋليانوۆسك-كەرنەي-ۇمىتكەر-باياناۋىل-مايقايىڭ-قالقامان باعىتىنداعى اۆتوكولىك جولىنىڭ 16 كيلومەترى جانە لەنين كەنتى-اقسۋ-كوكتوبە-ۇلكەن اقجار-كۋرچاتوۆ قالاسى باعىتىنداعى جولدىڭ 21,6 كيلومەترى جاتادى. ال اسفالتتانباعان توپىراق جول 3 كيلومەتردى قۇرايدى. بۇل - قاشىر اۋدانى مەن ميحايلوۆكا (رەسەي فەدەراتسياسىنىڭ شەكاراسى) سەلوسى ارالىعىنداعى قاشىقتىق. پالودار وبلىسىنىڭ اۋماعىندا 21 كوپىر، 491 سۋ وتكىزگىش قۇبىر تىركەلگەن.
«بيىل «2006-2012 جىلدارعا ارنالعان اۆتو كولىك جولدارىن دامىتۋ باعدارلاماسى» اياسىندا حالىقارالىق ترانزيتتىك جول سانالاتىن «ومبى-پاۆلودار-مايقاپشاعاي» باعىتىنداعى جولدارعا قايتا جوندەۋ جۇمىستارى جۇرگىزىلىپ جاتىر. سوڭعى 20 كيلومەتر جەردى نەبارى ءۇش جارىم ايدىڭ ىشىندە رەتكە كەلتىرىپ، 25 شىلدە كۇنى ۋاقىتىنان بۇرىن تاپسىردىق»،- دەدى ا.بەكتۇروۆ.
ءى جارتىجىلدىقتا اتقارىلعان يگى ىستەردىڭ ءبىرى رەتىندە باشماچنوە سەلوسى مەن جەلەزينكا سەلوسى ارالىعىنداعى اۆتوكولىك جولىنىڭ قايتا جوندەۋدەن وتكەنىن ايتۋعا بولادى. اتالعان باعىتتاعى جولدى جوندەۋ جۇمىسىمەن 2006 جىلى تۇرىكتىڭ «وكان كونستراكشن» قۇرىلىس كومپانياسى اينالىسقان بولاتىن. تۇرىكتىڭ مەردىگەر كومپانياسىمەن جاسالعان كەلىسىم شارت 2009 جىلى كۇشىن جويىپ، جاڭا مەردىگەر كومپانيا انىقتالدى. سودان كەيىن اتالمىش باعىتتاعى جولمەن «اۆتودورسەرۆيس» جشس اينالىستى. دەپارتامەنت ديرەكتورىنىڭ ايتۋىنشا ءدال قازىرگى ۋاقىتتا اتالعان ايماقتا ءالى دە بولسا جۇمىس قىزۋ ءجۇرىپ جاتىر جانە ەكىنشى جارتى جىلدىقتا اتالعان اۆتوجولدى ىسكە قوسۋ جوسپارلانىپ وتىر.
«وتكەن جارتىجىلدىقتاعى كوڭىل كونشىتەرلىك تاعى ءبىر مالىمەت - ول «پاۆلودار قالاسىن اينالىپ وتەتىن كولىك جولى» مەملەكەتتىك ساراپتاما كەشەنىنىڭ ىسكە اسۋى»،- دەيدى دەپارتامەنت ديرەكتورى.
ءباسپاسوز ءماسليحاتى بارىسىندا ا.بەكتۇروۆ تۇرعىندار ۇنەمى تەحنيكالىق جاعدايىنا كوپ ارىز تۇسىرەتىن «قىزىلوردا-پاۆلودار-ۋسپەنكا» (رەسەي فەدەراتسياسىنىڭ شەكاراسى) باعىتىنداعى اۆتوكولىك جولىنا كۇردەلى جوندەۋ جۇمىستارى جۇرگىزىلىپ جاتقانىن ايتتى. اتالمىش جولدى قالپىنا كەلتىرۋگە 1538,0 ميلليون تەڭگە قارجى بولىنگەن. شىلدە ايىنىڭ ءبىرىنشى جۇلدىزىنداعى مالىمەتتەرگە سۇيەنسەك، اتالعان سومانىڭ 691,3 ميلليونى يگەرىلگەن. قازىرگى ۋاقىتتا ۇزىندىعى 4 كيلومەتردى (1183-1187 كيلومەتر ارالىعى) قۇرايتىن جولعا جوندەۋ جۇمىستارى تولىعىمەن جاسالدى.
«لەنين كەنتى-اقسۋ-كوكتوبە-كۋرچاتوۆ قالاسى» باعىتانداعى اۆتوجولدى جوندەۋ ءۇشىن 340,3 ميلليون تەڭگە بولىنسە، سونىڭ 211,3 ميلليونى قاجەتتى جەرىنە جۇمسالعان.
2010 جىلى رەسپۋبليكالىق ماڭىزداعى جولدارعا ورتاشا جوندەۋ جۇمىستارىنا 311,0 ميلليون تەڭگە ءبولىندى. «لەنين كەنتى-اقسۋ-كوكتوبە-كۋرچاتوۆ قالاسى» باعىتىنداعى اۆتوكولىك جولىنىڭ 12 كيلومەترىنە 108,1 ميلليون تەڭگە، «ۋليانوۆسك-كەرنەي-باياناۋىل-قالقامان» باعىنداعى 32,8 كيلومەتر جەرگە 202,3 ميلليون تەڭگە ءبولىندى. ءبىرىنشى جارتىجىلدىقتىڭ ورتاشا جوندەۋ جۇمىستارىنا بولىنگەن 83,7 ميلليونىننىڭ 61,1 ميلليونى يگەرىلدى دەپ مالىمدەدى دەپارتامەنت ديرەكتورى.
اعىمداعى ۋاقىتتا ءجۇرىپ جاتقان جولدى كۇتىپ ۇستاۋ جانە كوگالداندىرۋ جۇمىستارىنا رەسپۋبليكالىق بيۋدجەتتەن 410 ميلليون تەڭگە بولىنگەن. شىلدە ايىنىڭ باس كەزىندە جاسالعان مالىمەتتەرگە سۇيەنسەك اتالعان قاراجاتتىڭ 176,4 ميلليونى يگەرىلگەن.
ءى جارتىجىلدىق قورىتىندىسى بويىنشا دەمپارتامەنت 30,2 مىڭ شارشى مەتر اسفالتتى-بەتوندى قارا جولدىڭ شۇڭقىرلارىن رەتكە كەلتىرسە، 9,6 مىڭ شارشى جولدىڭ جارىلعان جەرلەرىن جاماعان. سونىمەن قاتار جول بويىنداعى ايالدامالاردى سىرلاپ، 152 جول بەلگىسىن ورناتقان.
ءباسپاسوز ءماسليحاتى بارىسىندا اۆتوكولىك جولدارىن جوندەۋمەن اينالىساتىن «كازاحاۆتودور» جانە «پاۆلودار-جوللابوراتوريا» جاۋاپكەرشىلىگى شەكتەۋلى سەرىكتەستىكتەرىنىڭ باسشىلارى الەكساندر گۋلم مەن ارداق توققوجين بۇقارالىق اقپارات قۇرالدارى وكىلدەرىنىڭ سۇراقتارىنا جاۋاپ بەردى.

ەركەبۇلان امىرەنوۆ