جۇما, 29 ناۋرىز 2024
4501 0 پىكىر 13 ماۋسىم, 2017 ساعات 09:35

ەكسپو ماڭىندا قولايلى اۆتوتۇراقتار قاراستىرىلعان

ەكسپو اۋماعىندا قالا تۇرعىندارى مەن قوناقتارى ءۇشىن 6 مىڭداي كولىك قوياتىن ورىن قاراستىرىلدى. ايتالىق، ت.رىسقۇلوۆ كوشەسى جاعىندا 4460 ورىن بار. بۇل تۋرالى قالا اكىمدىگىنىڭ رەسمي سايتى حابارلادى.

بەس تۇراقتىڭ اۋماعىندا اقىلى تۇراق ورىندارىنىڭ تاريفتىك ساياساتى قاراستىرىلعان. العاشقى ءبىر ساعات نەمەسە ءبىر ساعاتقا تولمايتىن ۋاقىتقا كولىك قويۋ قۇنى – 200 تەڭگە، كەيىنگى ءار ساعاتقا – 100 تەڭگە. ساعات 16:00-دەن 24:00-گە دەيىن كولىك قوياتىن ورىننىڭ باعاسى – 2500 تەڭگە. كەيىنگى تاۋلىكتەرگە تۇراقتى پايدالانۋ – 2500 تەڭگە تۇرادى. بيلەتتى جوعالتىپ العان جاعدايدا جۇرگىزۋشى 2500 تەڭگە ايىپپۇل تولەۋگە مىندەتتى. تاعى 1700 ورىن قابانباي باتىر داڭعىلى جاعىندا MEGA Silk Way وسو ايماعىندا قاراستىرىلعان.

ۇلى دالا جانە ماڭگىلىك ەل داڭعىلدارى قيىلىسىندا  حالىقارالىق اۆتوبۋستارعا ارنالعان 140 ورىندىق تۇراق بار. ەكسپو قالاشىعىندا تۇراتىندارعا 1480 ورىنعا ارنالعان ارنايى اۋماق قاراستىرىلعان، تاكسي توسۋعا ارنالعان اۋماقتاردا 85 ورىن بار. بۇدان بولەك، كورمە توڭىرەگىندە VIP كولىكتەر، قىزمەتتىك جانە ارنايى كولىكتەر ءۇشىن ارنايى تۇراق بولىنگەن. كورمەنىڭ حالىقارالىق بيۋرو كوميسسارلارى مەن سەرىكتەستەرى ءۇشىن كولىك قويۋ ورىندارى قاراستىرىلعان.

الايدا مامانداردىڭ ايتۋىنشا، ەكسپو حالىقارالىق كورمەسىن دەمالىس كۇندەرى وتكىزۋ كەزىندە كولىك تۇراقتارىندا ورىن جەتىسپەۋشىلىگى بولۋى ابدەن ىقتيمال. سول سەبەپتى، كولىك جۇرگىزۋشىلەرىنە قولالى بولۋى  ۇشىن 14 تەگىن تۇراق قاراستىرىلۋدا.

ول جەرلەرگە كەز كەلگەن جۇرگىزۋشى جەكە كولىگىن قويىپ، قوعامدىق كولىك جانە Shuttle Bus مارشرۋتتارىنىڭ قىزمەتىن پايدالانۋ ارقىلى كورمە ورتالىعىنا ەش كەدەرگىسىز جەتە الادى. وسى ماقساتتا 11 772 ورىن بولىنەدى. مۇنداي تۇراقتار قالانىڭ كەلەسى اۋداندارىندا بولادى: ەلوردا تسيركى، «قازاقستان» سك، وقۋشىلار سارايى، «استانا-ارەنا» ستاديونى، «بارىس ارەنا»، «دۋمان» سو، قالالىق ساياباق، كەلىسىم جانە بەيبىتشىلىك سارايى، ماڭگىلىك ەل جانە تۇران داڭعىلدارى بويىندا، «Music Hall» مەيرامحاناسى، «الاتاۋ» سك، 31 كوشە، «حان شاتىر» ءسۇ.

اباي-اقپارات

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1582
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2281
عيبىرات

قايسار رۋحتى عازيز جان

مۇحتار قۇل-مۇحاممەد 3610