بەيسەنبى, 22 تامىز 2019
جاڭالىقتار 3988 33 پىكىر 14 ماۋسىم, 2017 ساعات 13:57

اتامباەۆتىكى قىزعانىش پا؟

استانا ەكسپو-2017 كورمەسىنە جاۋاپتى احمەتجان ەسىموۆ قىرعىز رەسپۋبليكاسىنىڭ  پرەزيدەنتى المازبەك اتامباەۆقا جاۋاپ بەردى، دەپ جازادى "ۆرەميا" باسىلىمى.

ءسويتىپ، استانا ەكسپو-2017 ۇق اق جەتەكشىسى احمەتجان  ەسىموۆ قىرعىزستان پرەزيدەنتىنىڭ ەكسپو جايلى ايتقاندارىنا جاۋاپ بەرىپتى.

وتكەن جولى المازبەك اتامباەۆ: "ەگەر مەن 3 ميلليارد جۇمساپ، استاناداعىداي كورمە وتكىزسەم، قىرعىزدار مەنى تىرىدەي ورتەپ جىبەرەر ەدى" دەدى.

قىرعىز باسشىسىنىڭ بۇل سوزىنە رەسمي ورگاندار تاراپىنان ەش جاۋاپ بولماعان. جاقىندا كورمە قۇرىلىسىنا جاۋاپتى احمەتجان ەسىموۆ "ۆرەميا" گازەتىنە پىكىر ءبىلدىرىپ:

-قىرعىز جۇرتى نە ىستەيتىنى مەن بىلمەيمىن. ءبىزدىڭ پرەزيدەنتىمىزدىڭ ءار باستاماسى حالىقتىق قولداۋ تاۋىپ جاتىر. مەن وزىمە تىكەلەي قاتىسى بار ەكسپو كورمەسى تۋرالى ايتايىن. ەكسپو قۇرىلىسىنا اتامباەۆ مىرزا ايتىپ وتىرعانداي 3 ميلليارد دوللار ەمەس، 1,3 ميلليارد دوللار جۇمسالدى. كورىپ وتىرعاندارىڭىزداي، عيماراتتار باستان-اياق ساپالى جاسالعان. بۇل عيماراتتار ءالى ۇزاق ۋاقىت  ەلدىڭ پايداسىنا جارايتىنى ءسوزسىز. جانە بۇل ءوزىن-ءوزى اقتايتىن جوبا. قازىردىڭ وزىندە دەمەۋشىلەردىڭ قارجىسى بار، ەكسپو اۋماعىنداعى جارنامالاردان، اۆتوتۇراقتاردان، بيلەت ساتىلىمىنان ت.ب. تۇسكەن قارجى 70 ميلليارد تەڭگەگە جۋىقتادى. بۇل 220 ميلليون دوللار. سوندىقتان، كورىپ وتىرعاندارىڭىزداي، اتامباەۆ مىرزانىڭ ءبىزدىڭ كورمە  جايلى دەرەكتەرى از ەكەن، - دەدى احمەتجان ەسىموۆ.

اباي اقپارات

33 پىكىر