استانا قالاسىنىڭ اكىمى ءا.ءو.يسەكەشەۆكە 

ۇندەۋ   

قۇرمەتتى اسەت ورەنتايۇلى!

استانا قالاسىنداعى كولىك پەن جول قاتىناسى تۋرالى سىزگە ايتۋ ارتىق: ەلوردامىز سونشا ءىرى قالا بولماسا دا، قازىردىڭ وزىندە قوعامدىق كولىك پەن جولداعى كەپتەلىستىڭ جايى ءمالىم. ونىڭ ۇستىنە رەسمي باس قالامىز كۇن ساناپ وسۋمەن ەلدەگى مەگوپوليسكە اينالدى. بۇل ماسەلە بيلىك تاراپىنان كوتەرىلىپ، بىرقاتار شەشىمدەر قابىلدانعانىنان حاباردارمىز. اتاپ ايتقاندا، استانا اۋەجايى – «نۇرلى جول» تەمىرجول ۆوكزالى اراسىن قوساتىن جەڭىلرەلستى كولىك (LRT) قۇرىلىسى قولعا الىنعانى بەلگىلى.

الايدا، كولىك سالاسىنداعى ساراپشىلاردىڭ پايىمى بويىنشا، جەڭىلرەلستى كولىك جۇيەسى (LRT) ماسەلەنى ۋاقىتشا شەشىپ، ونى كەيىنگە شەگىندىرمەك. ويتكەنى، كولىك جۇيەسىنىڭ بۇل ءتۇرى بارىنشا قىمبات جانە قالانىڭ تۇرعىنى تىعىز ورنالاسقان اۋدانداردى تولىق قامتىمايدى ءارى جول ۇزىندىعى ازىرگە نەبارى – 22,4 كم. بۇل جولدى فۋنكتسيونالدىق تۇرعىدان دا، قارجىلىق جاعىنان دا ءتيىمدى دەۋگە بولمايدى! 9 مەترلىك بيىككە سالىناتىن ەستەكادالىق LRT جولدىڭ قالا كوشەسىن تارىلتاتىنى ءوز الدىنا، ونىڭ قىرۋار قارجى مەن ماتەريالدى شىعىندايتىنى، قالانىڭ اجارى مەن ساۋلەتىنە نۇقسان كەلتىرەتىنى بەلگىلى. ارينە، بۇل باستاما مەن قۇرىلىس سىزگە دەيىن شەشىلىپ قويىلعان. الايدا، بۇگىنگى الەم مۇلدەم باسقا كولىك جۇيەسىنە كىرىسە باستاعاندا، وتكەن عاسىردىڭ جەتەگى مەن ەتەگىنە جارماسۋىمىز جاڭالىققۇمار بىزگە جاراسپايدى. زاماني، قاۋىپسىز، جەڭىل، ەكولوگيالىق تازا، قۇرىلىسى مەن قولدانىسى قىمبات ەمەس كولىك بارىمىزگە كەرەك!

ايتالىق، فيليپپين ەلى 2016 جىلعى قىركۇيەكتە بەرلين قالاسىندا وتكەن بۇكىلالەمدىك Innotrans 2016 كورمەسىنە قاتىسقاننان كەيىن، مەملەكەتتىك دەڭگەيدە جوسپارلانعان مەترو قۇرىلىسىنان باس تارتىپ، باستى جول جۇيەسى رەتىندە ءالى ەش جەردە قولدانىسقا تۇسە قويماعان يۋنيتسكيدىڭ ىشەك جولىن تاڭداپ تاڭ قالدىرۋدا. بۇل جول بىزبەن كەدەندىك وداقتاعى بەلارۋس ەلىندە بۇرىنعى جەرلەسىمىز اكادەميك، ينجەنەر-تەحنولوگ اناتولي ەدۋاردوۆيچ يۋنيتسكيدىڭ 40 جىلدىق اۆتورلىق ەڭبەگى رەتىندە دۇنيەگە كەلىپ، سىناقتان ءوتىپ، سەرتيفيكاتسيا جاسالۋدا. بيىلعى 1 شىلدەدە مينسكىدەن 50 شاقىرىمدا ورنالاسقان مارينا گوركا قالاشىعىنداعى ەكوتەحنوپاركتا اتالعان جول جۇيەسى الەمگە كورسەتىلىپ، كورىمدىك الماق. يۋنيتسكيدىڭ ىشەك جول تەحنولوگياسىن قولدانۋعا ونداعان مەملەكەتتەر 200 ميللياردتان اسا دوللارعا الدىن الا تاپسىرىس جاساۋعا شارتتاسىپ، اتاپ ايتقاندا، اراب امىرلىگى - 1,5 ملرد دوللار، ءۇندىستان – 1 ملرد دوللارعا شارت جاساۋ ارقاسىندا بيىلعى 2017 جىلدىڭ سوڭىنا قاراي 100-دەن اسا جەرگىلىكتى جوبانى جۇزەگە اسىرۋ قولعا الىنۋدا. ءۇندىستاننىڭ 3 شتاتىنداعى ءۇش قالا «اقىلدى قالا» مارتەبەسىنە يە بولىپ جانە ونىڭ باستى سيپاتىن يۋنيتسكيدىڭ ىشەكتى كولىگى (SKY WAY) انىقتاماق. سونداي-اق، ءۇندىستان ەلدىڭ بۇكىل اۋماعىن قامتيتىن 4,5 ميلليون شاقىرىم SKY WAY جولىن سالۋعا  ىنتىماقتاستىق مەموراندۋمىنا قول قويدى.

قازىرگى كەزدە ابدەن ساراپتالعان عىلىمي-تەحنيكالىق تۇجىرىم بويىنشا،  بولاشاق ىشەك جول ەكولوگيالىق تۇرعىدان تازا، مەيلىنشە قاۋىپسىز، بارىنشا ارزان ءارى ءتوزىمدى، جەر تالعامايتىن جانە كوشە مەن لاندشافقا ەشبىر زالالى جوق، ساۋلەتتى، بارىنشا جىلدام دا، تابىستى كولىك جۇيەسى بولىپ تابىلادى. استانادا سالىنعالى وتىرعان LRT-مەن (جەڭىل-رەلستى كولىك) سالىستىرساق، يۋنيتسكيدىڭ  ىشەك جولىنىڭ باعاسى 8 ەسە ارزان جانە اقتالۋ مەرزىمى بىرنەشە ەسە قىسقا.

«Skyway» اتالاتىن يۋنيتسكي جولى كراۋدينۆەستينگ تاسىلىمەن تىڭعىلىقتى، سەنىمدى، ءادىل سيپات العان. وعان ونداعان مەملەكەتتىڭ مىڭداعان ازاماتتارى قارجى قۇيىپ تەحنوپارك سالىپ جاتىر، تەحنوپارك وسى جىلدىڭ اياعىندا تولىق بىتەدى. جاڭا جولدىڭ ەڭ العاشقى شاقىرىمى بيىلدىڭ وزىندە بەلارۋس مەملەكەتىندە باستالىپ، موگيلەۆ قالاسىنىڭ باستى جول جۇيەسى بولعالى وتىر.

الەمدىك ەكسپو-2017 كورمەسىن ۇيىمداستىرىپ جانە بالاما قۋات كوزدەرىن پاش ەتۋدى قولعا العان ەل رەتىندە ءارى قىمبات، ءارى ىڭعايسىز مەشەۋ جولدى سالۋ - وتانشىل قالا تۇرعىندارى رەتىندە ءبىزدى قاتتى قىنجىلتادى. شىن مانىندە، Skyway جولىن قارجىلاندىرۋ بويىنشا قازاقستان ازاماتتارى 163 ەلدىڭ اراسىندا 1-ورىندا، ال قالالاردىڭ ىشىندە العاشقى ەكى ورىن الماتى مەن استانا ينۆەستورلارىنا تيەسىلى. بۇل جايت ءبىزدىڭ ازاماتتارىمىزدىڭ بارىنشا پروگرەسسيۆتى ءارى قارجىلاي بەلسەندى ەكەنىن اڭعارتادى.

جوعارىدا ايتىلعانداردى ەسكەرە وتىرىپ، وسى ۇندەۋگە قول قويعان استانالىق تۇرعىندار، ءسىزدى قالامىزعا Skyway جۇيەسىمەن استانا حالىقارالىق اۋەجايى - استانا تەمىرجول ۆوكزالى – «نۇرلى جول» ۆوكزالى اراسىن قوساتىن جانە قالالىق باسقا كوپتەگەن مارشرۋتتاردى قامتىعان قۇرىلىستى قاراستىرۋعا شاقىرامىز. بۇعان جۇمسالاتىن قارجى LRT جولىنا ەسەپتەلگەن 90 ملرد تەڭگە جەتكىلىكتى بولسا دا، وعان استانالىق تۇرعىندار مەن باسقا دا ينۆەستورلار قارجىسىن قۇيۋعا ءازىر ەكەندىگىن باسا ايتامىز.

سونداي-اق، ءسىزدى بيىلعى 1 شىلدەدە مينسك قالاسىندا وتەتىن يۋنيتسكيدىڭ Skyway ىشەكتى تەحنولوگياسىن پاش ەتەتىن تاريحي ەكوفەستيۆالگە رەسمي دەلەگاتسيامەن بارىپ، ەل ابىرويىن اسقاقتاتۋعا شاقىرامىز.

بۇل يننوۆاتسيالىق تەحنولوگيامەن ناقتىراق كومپانيانىڭ مىنا رەسمي سايتىنان تانىسا الاسىز: skywayinwestgroup.com.         

قۇرمەتپەن، استانالىق تۇرعىندار:

جاكسىگارين ك.ب.

زەينەلوۆ د.ز.

ماحمۋتوۆ ۆ.ا.

احمەتوۆ گ.ج.

كالمانباەۆا س.م. جانە باسقالار.

Abai.kz