كەيكى باتىردىڭ كەيىپى قالپىنا كەلدى
قر سىرتقى ىستەر ءمينيسترى قايرات ءابدىراحمانوۆ بۇگىن ۆەنگريانىڭ سىرتقى ىستەر ءمينيسترى پەتەر سييارتومەن كەزدەسىپ، بىلتىر رەسەيدەن اكەلىنگەن ايگىلى مەرگەن كەيكى باتىردىڭ كەيىپىن قالپىنا كەلتىرگەن ماجارلىق ماماندارعا راحمەت ايتتى دەپ حابارلايدى اباي-اقپارات.
"سىزبەن كەزدەسۋ ءساتىن پايدالانا وتىرىپ مەن ۆەنگريا تاراپىنا، ەلدىڭ وكىمەتى مەن ەل باسشىلارىنا، سونداي-اق كەيكى باتىردىڭ كەيىپىن قالپىنا كەلتىرگەن ماجارلىق ماماندارعا راحمەت ايتامىن", - دەدى مينيستر ءباسپاسوز وكىلدىرىنە ارناعان شاعىن ءماسليحات بارىسىندا.
كەيكى باتىر - 1916 جىلى وكتيابر رەۆوليۋتسياسىن مويىنداماي قىزىلدارعا دا، اقتارعا دا قارسى شىققان حالىق باتىرى. باتىر 1923 جىلى قىزىل اسكەرلەردىڭ قولىنان قازا تاپقان ەدى. تورعاي دالاسىنداعى جۇرتتى قىرعان قىزىل اسكەرلەردىڭ باسشىسى باتىردىڭ كەسىلگەن باسىن رەسەيگە جونەلتكەن. باس سۇيەك بىلتىرعى جىلدىڭ كۇزىنە دەيىن سانكت-پەتەربورداعى كۋنسكامەرادا تۇرعان ەدى. قاس مەرگەن، كوزسسىز ەردىڭ باسىن ەلگە قايتارۋ جونىندە رف ۇكىمەت باسشىسىنا ەكس-پرەمەر كارىم ءماسىموۆ ۇسىنىس جاساعان بولاتىن.
باتىردىڭ باس سۇيەگى ۆەنگريانىڭ ىرگەلى عىلىمدار ءۇيىنىڭ مۇراجايىنا جىبەرىلىپ، مۇراجاي عالىمدارىنىڭ قالىپتاۋىمەن كەيكىنىڭ كەيىپى قايتا جاسالدى.
اباي-اقپارات
