«مەنىڭ جاقىندا تويىم بولادى. مەن ءاردايىم مانساپتان گورى وتباسىنا باسىمدىق بەرەمىن»، - دەيدى ول. تۇرمىسقا شىققاننان كەيىن دە ءسان الەمىندە مانسابىن جالعاستىراتىنى ازىرگە بەلگىسىز.

پارۆينا سايدوۆا 7 شىلدەدە پاريجگە بارۋ كەرەك بولعان. بىراق ونىڭ ورنىنا تويعا دايىندالۋدى ءجون ساناپتى.

بىلتىر ناۋرىز ايىندا پارۆينا سايدوۆا World Beauty Astana 2016 ءسان جانە سۇلۋلىق بايقاۋىندا «Missis International-2016» نوميناتسياسىن جەڭىپ العان. ول پەر كاردەننەن پاريجگە شاقىرتۋ العان. ول سول كەزدە ۇلى مودەلەردىڭ مەرەي تويىنا قاتىسۋ ۇلكەن قۇرمەت ەكەنىن ايتقان ەدى.

پارۆينا سايدوۆا

27 جاستاعى پارۆينا سايدوۆا بەس بالانىڭ اناسى. قاراپايىم عانا انا، ەكى جىل بۇرىن جەسىر قالعان. بىراق ونىڭ سۇلۋلىعىن تاجىك ديزاينەرى حۋرشەد ساتتوروۆ بايقاپ، ءسان الەمىنە اكەلەدى. ول ونى ودەسسادا وتكەن ءسان اپتالىعىنا مودەلدەردىڭ تىزىمىنە قوسادى. سول كەزدە كوپ بالالى انانى 60 قاتىسۋشىنىڭ ىشىنەن ەڭ ادەمى مودەل رەتىندە تانىلعان.

Abai.kz