مەملەكەت باسشىسى ن.ءا. نازارباەۆتىڭ باعدارلامالىق ماقالاسىندا ۇلتتىق جاڭعىرۋ، ۇلتتىق كودتى ساقتاۋ ماسەلەسى ەل دامۋىنىڭ نەگىزگى قاعيدالارىنىڭ ءبىرى رەتىندە قاراستىرىلادى. ۇلتتىق كودتى ساقتاۋ ءۇشىن سالت-داستۇرلەرىمىزدى، ءتىلىمىز بەن مۋزىكامىزدى، ادەبيەتىمىز بەن جورالعىلارىمىزدى بولاشاق ۇرپاققا جەتكىزۋ ءۇشىن  ابايدىڭ دانالىعى، اۋەزوۆتىڭ عۇلامالىعى، جامبىلدىڭ جىرلارى مەن قۇرمانعازىنىڭ كۇي­لەرى، عاسىرلار قويناۋىنان جەتكەن بابالار ءۇنى – ءبىر سوزبەن ايتقاندا ۇلتتىق رۋحىمىز بويىمىزدا ماڭگى قالۋعا ءتيىس.

وسى ورايدا ۋنيۆەرسيتەت رەكتورى تاكير وسپانۇلىنىڭ تاپسىرماسىمەن اعىمداعى جىلدىڭ 19-29 شىلدە كۇندەرى ارالىعىندا ءبىلىم وردامىز بەن ابايدىڭ «جيدەباي-ءبورىلى» مەملەكەتتىك قورىق-مۋزەيى اراسىندا ءوزارا ىنتىماقتاستىقتى ورناتۋ، ۇلى اقىننىڭ مۇرالارىمەن تەرەڭىرەك تانىسۋ ماقساتىندا تاربيە باسقارماسى جانىنداعى الەۋمەتتىك ءبولىم باسشىسى ە. شارعىنوۆ، «ابايتانۋ» ورتالىعىنىڭ ديرەكتورى ج. شويىمبەت جانە 2 كۋرس دوكتورانتى ا. ەرجانوۆ ارنايى ءىس-ساپارمەن سەمەي قالاسىنداعى اباي مۇراجايىنا بارىپ قايتتى.

تانىمدىق ءىس-ساپار اباي مەن شاكارىم جاتقان قاسيەتتى ولكە جيدەبايدان باستاۋ الدى. جيدەبايداعى ابايدىڭ قورىق-مۋزەيىندەگى جانە ابايدىڭ نەمەرە ءىنىسى، قازاق حالقىنىڭ ارداقتى اقىنى شاكارىم قۇدايبەردىۇلىنىڭ سوڭعى قونىسى بولعان سايات قوراداعى  قۇندى جادىگەرلەرمەن تانىسىپ، اباي مەن شاكارىمنىڭ، ابايدىڭ اجەسى زەرە، اناسى ۇلجاننىڭ قابىرىنە بارىپ زيارات ەتتى. ودان كەيىن شەجىرەلى شىڭعىستاۋ بوكتەرىنىڭ تاريحىمەن تانىسىپ، مۇحتار اۋەزوۆتىڭ تۋعان جەرى بورىلىگە دە ات باسىن تىرەدى.

ونكۇندىك ءىسساپار بارىسىندا سەمەيدەگى باس مۇراجايداعى «اباي جولى: الاشتى پاش ەتكەن الەمگە» جانە جاڭادان اشىلعان «الاشقا اتىم شىققان اسەت اقىن» اتتى كورمە زالدارىن،  «الاش ارىستارى – م.اۋەزوۆ» مۇراجاي-ءۇيى عيماراتى جانە اباي قۇنانبايۇلى ءبىلىم العان احمەت ريزا مەشىت-مەدرەسەسىن تاماشالادى.

الداعى ۋاقىتتا  اباي اتىنداعى قازاق ۇلتتىق پەداگوگيكالىق ۋنيۆەرسيتەتى مەن ابايدىڭ «جيدەباي-ءبورىلى» مەملەكەتتىك قورىق-مۋزەيىنىڭ ءوزارا ىنتىماقتاستىعىن دامىتۋ جانە شىعارماشىلىق قارىم-قاتىناستى نىعايتۋ ماقساتىندا  مەموراندۋمعا قول قويىلىپ،  ەكىجاقتى ىنتىماقتاستىقتىڭ بەلگىسى رەتىندە مۋزەي قىزمەتكەرلەرىنە ۋنيۆەرسيتەتىمىزدىڭ تاربيە باسقارماسى شىعارعان «اباي ايتادى» جانە «اباي لۇعاتى» اتتى تانىمدىق كىتاپشالار سىيعا تارتىلدى.

ءوز كەزەگىندە  مۋزەي ۇجىمى قارا شاڭىراقتىڭ كىتاپحانا قورىنا حاكىم ابايدىڭ قازاق، ورىس، اعىلشىن جانە قىتاي تىلىندە جارىق كورگەن ولەڭدەر جيناعىن تارتۋ ەتتى.

ءىسساپار سوڭىندا ۋنيۆەرسيتەت وكىلدەرى الىپتاردىڭ اسىل مۇراسىن كوپشىلىككە ناسيحاتتاپ جۇرگەن مۇراجايدىڭ عىلىمي قىزمەتكەرلەرىنە ەڭبەكتە تابىس تىلەپ، زور العىسىن ءبىلدىردى.

المات ەرجانوۆ

Abai.kz