جۇما, 29 ناۋرىز 2024
4170 3 پىكىر 3 تامىز, 2017 ساعات 11:57

ترامپ رەسەيگە جاڭا سانكتسيا سالۋ زاڭىن بەكىتتى

اق ءۇيدىڭ حابارلاۋىنشا، اقش پرەزيدەنتى دونالد ترامپ 2 تامىز كۇنى رەسەيگە، يرانعا جانە سولتۇستىك كورەياعا جاڭا سانكتسيالار سالاتىن زاڭعا قول قويدى.

اقش كونگرەسى شىلدەنىڭ سوڭىندا رەسەيگە اقش-تا 2016 جىلى وتكەن پرەزيدەنت سايلاۋى ناۋقانىنا ارالاسقانى ءۇشىن جانە قىرىمدى باسىپ الىپ، ۋكراينانىڭ شىعىسىنداعى سەپاراتيستەرگە دەم بەرگەنى ءۇشىن قاتاڭ سانكتسيا سالۋ تۋرالى زاڭ جوباسىن ماقۇلداعان ەدى.

جاڭا زاڭ رەسەيدىڭ ەنەرگەتيكا كومپانيالارىن نىساناعا الىپ، ولاردىڭ وپەراتسيالارىنا شەكتەۋ قويادى. زاڭعا سايكەس پرەزيدەنت ترامپ كونگرەستىڭ ماقۇلداۋىنسىز ماسكەۋگە قارسى ەنگىزىلگەن سانكتسيالاردى جۇمسارتا المايدى.

بۇل زاڭنىڭ بەكىتىلۋى بىلتىرعى سايلاۋ ناۋقانى كەزىندە ماسكەۋ مەن ۆاشينگتوننىڭ قارىم-قاتىناسىن جاقسارتۋعا شاقىرعان ترامپتىڭ ءۇمىتى جۋىر ۋاقىتتا اقتالمايتىنىن كورسەتتى.

رەسەي پرەزيدەنتى ۆلاديمير پۋتين زاڭ جوباسىن كونگرەسس ماقۇلداعان كەزدە اشۋلى رەاكتسيا تانىتقان ءارى زاڭ بەكىتىلمەي جاتىپ 30 شىلدە كۇنى رەسەيدەگى اقش-تىڭ ديپلوماتيالىق قىزمەتكەرلەرىن 755 ادامعا قىسقارتۋ تۋرالى بۇيرىق بەرگەن. ماسكەۋدىڭ بۇل شەشىمى رەسەيدىڭ ۋكرايناداعى اگرەسسياسى، سيريا سوعىسىنداعى ءرولى مەن 2016 جىلعى اقش سايلاۋىنا ارالاسۋى تۋدىرعان ۆاشينگتونمەن اراداعى شيەلەنىستى ودان سايىن كۇشەيتىپ جىبەردى. رەسەي اقش-تىڭ سانكتسيا سالۋىن ء"وزىن ءجونسىز وقشاۋلاۋ" دەپ ايىپتايدى.

اقش كونگرەسى رەسەيگە سالىنىپ وتىرعان جاڭا قاتاڭ سانكتسيالاردى ەۋروپا وداعىنىڭ ءوتىنىشى بويىنشا ءسال وزگەرتكەن. ەو جەتەكشىلەرى بۇل سانكتسيالار Nord Stream مۇناي قۇبىرى جوباسىن سالۋ بويىنشا رەسەيمەن ىنتىماقتاسقان باتىس كومپانيالارىنا كەسىرىن تيگىزبەۋ كەرەكتىگىن ەسكەرتكەن ەدى.

جاڭا سانكتسيالارعا قارسى يران 1 تامىز كۇنى بۇۇ-نا شاعىمدانىپ، اقش-تى "التى يادرولىق دەرجاۆا اراسىندا جاسالعان كەلىسىمدى بۇزدى" دەپ ايىپتاعان. يران پارلامەنتىنىڭ سپيكەرى ءالي لاريدجاني سوڭعى سانكتسيالار 2015 جىلعى يادرولىق كەلىسىم-شارتتى بۇزادى دەپ مالىمدەگەن.

Abai.kz

3 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1567
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2261
عيبىرات

قايسار رۋحتى عازيز جان

مۇحتار قۇل-مۇحاممەد 3541