سەنبى, 21 قىركۇيەك 2019
1907 0 پىكىر 4 تامىز, 2017 ساعات 09:48

ماسكەۋ مەن پەتەربۋرگتە الي فەرۋزدى قولداعان اكتسيالار ءوتتى

ماسكەۋ، پەتەربۋرگ، ۆيلنيۋس پەن بەرليندە "نوۆايا گازەتا" ءتىلشىسى الي فەرۋزدى قولداعان اكتسيالار ءوتتى. اكتسياعا قاتىسۋشىلار ءتىلشىنى وزبەكستانعا دەپورتاتسيالاۋ شەشىمىنە قارسىلىق ءبىلدىردى. ماسكەۋدە رەسەي پرەزيدەنتى اكىمشىلىگى عيماراتى جانىندا ءتورت بەلسەندىنى پوليتسيا ۇستادى.

فەرۋزدى قورعاپ، "شەكاراسىز تىلشىلەر", Amnesty International جانە Human Rights Watch حالىقارالىق قۇقىق قورعاۋ ۇيىمدارى مالىمدەمە جاسادى. قۇقىق قورعاۋشىلار ءجۋرناليستى وزبەكستاندا ازاپتاۋى مۇمكىندىگىن ەسكەرتتى. "نوۆويا گازەتا" رەداكتسياسى فەرۋزدى ەۋرووداق ەلدەرىنىڭ بىرىنە شىعارۋ ءۇشىن كەلىسسوز جۇرگىزىپ جاتىر. ول ءۇشىن جۋرناليستكە قىزىل كرەست تولقۇجاتى كەرەك.

ادام قۇقىقتارىن قورعاۋ كەڭەسى فەرۋزدى دەپورتاتسيالاۋ جونىندەگى سوت شەشىمى رەسەي كونستيتۋتسياسىنا قايشى كەلەدى دەپ اتادى. كرەمل بۇل ماسەلەگە قاتىستى جۋرناليست ەكەن دەپ ميگراتسيالىق زاڭدى بۇزعانى ءۇشىن "كوزدى جۇمىپ" قاراي المايتىنىن ايتقان.

الي فەرۋز (حۋدوبەردي نۋرماتوۆ) وتكەن سەيسەنبى كۇنى ماسكەۋدە "نوۆايا گازەتا" رەداكتسياسىنىڭ عيماراتى جانىندا ۇستالدى. ءبىر كۇن بۇرىن ول ءوزىن دەپورتاتسيالاۋ جونىندەگى سوت شەشىمىنە قارسى اپەللياتسيالىق شاعىم ءتۇسىرىپ، ساياسي باسپانا سۇراعان. 1 تامىزدا ماسكەۋدىڭ باسمان سوتى ءجۋرناليستى وزبەكستانعا دەپورتاتسيالاۋ جونىندە شەشىم شىعارعان. وسىدان كەيىن ول وزىنە قول جۇمساماقشى بولدى. 2012 جىدى فەرۋزدىڭ تولقۇجاتىن ۇرلاپ كەتكەن. ول ەلىنە بارىپ، جاڭا تولقۇجات الا المايدى. ءجۋرنالسيتىڭ سوزىنشە وزبەكستاندا وعان قارسى ءىس قوزعالىپ، سوتتالۋى مۇمكىن.

Abai.kz

0 پىكىر