ونىڭ سوزىنشە، دەەسكالاتسيا ايماعىنا ونداعان ەلدى مەكەن كىرەدى، ولاردا 147 مىڭنان استام ادام تۇرادى.

حومس پروۆينتسياسىنىڭ سولتۇستىگىندەگى تەرريتوريانى تاياۋدا سيريا ۇكىمەتىنىڭ اسكەرى مەن رەسەي اۆياتسياسى اتقىلاعان.

اتالعان اۋدان رەسەيدىڭ باستاماسىمەن قۇرىلىپ جاتقان ءتورت دەەسكالاتسيا ايماعىنىڭ ءبىرى سانالادى. كونوشەنكوۆتىڭ سوزىنە قاراعاندا، قالعان ەكى ايماق - سيريانىڭ وڭتۇستىك-باتىسىنداعى داماسك ماڭىندا ورنالاسقان جانە وندا قاقتىعىستى توقتاتۋ رەجيمى ساقتالىپ تۇر.

رەسەي، تۇركيا جانە يراننىڭ استاناداعى سيريا بەيبىت كەلىسسوزدەر كەزىندە دايىنداعان جوسپارى بويىنشا، ءتورتىنشى دەەسكالاتسيا ايماعى سيريانىڭ سولتۇستىك-باتىسىنداعى يدليب پروۆينتسياسىندا قۇرىلادى. بىراق بۇل ايماقتا ءبىتىم ورناتۋعا ايماق تەرريتورياسىنا قاتىستى تۇركيامەن كەلىسپەۋشىلىك كەدەرگى كەلتىرىپ وتىر.

رەسەي مەن يران سيرياداعى ازاماتتىق سوعىستا پرەزيدەنت باشار اسادتى قولدايدى. تۇركيا اسادقا قارسى سوعىسىپ جاتقان وپپوزيتسيالىق كوتەرىلىسشىلەردىڭ ءبىر بولىگىن قولدايدى.

انكارا بۇعان دەيىن سيريادا بيلىكتى اۋىستىرۋدى تالاپ ەتىپ كەلگەن. سيريادا 2011 جىلى باستالعان ازاماتتىق سوعىستان جۇزدەگەن مىڭ ادام قۇربان بولىپ، ميلليونداعان ادام بوسىپ كەتتى.

Abai.kz