قازاق «سوپى» مەن «ۋاحاب» بولىپ ءبولىنىپ، قۇبىلاسىنىڭ قاي جاقتا ەكەنىن انىقتاي الماي جۇرگەندە، قازاقستانداعى ورىس پراۆوسلاۆ شىركەۋى ءوزىنىڭ تىرلىگىن ءۇن-ءتۇنسىز اتقارۋعا كىرىسىپتى. تاياۋدا ورىس پاتريارحاتى قازاقستانداعى پراۆوسلاۆ حريستياندارىنىڭ «مۇڭ-مۇقتاجى مەن تىلەك-تالاپتارىنا ساي» تاعى دا ءۇش ەپارحيا (ياعني ءدىني ايماق) اشىپ، ولاردىڭ سانىن التىعا دەيىن جەتكىزدى. بۇگىنگى كۇنى ورىس پراۆوسلاۆيە شىركەۋىنىڭ ەپارحيالارى استانادا، الماتىدا، ورالدا، قاراعاندىدا، قوستانايدا جانە كەرەكۋدە قۇرىلىپ ءبىتتى.

ەندى مىنە، ورىس پراۆوسلاۆ شىركەۋىنىڭ پاتريارحى كيريلل جاڭا ەپارحيالاردىڭ باسشىلارىن سايلاۋ ۇستىندە. وتكەن اپتانىڭ اياعىندا ماسكەۋدەگى ورىس پراۆوسلاۆيەسىنىڭ باس شىركەۋى - قۇتقارۋشى حريستوس شىركەۋىندە وسىعان دەيىن 30 جىل ءدىني قىزمەت اتقارعان ەپيسكوپ ۆارناۆاعا ارحيەرەي اتاعىن تابىستاپ، ونى «پاۆلودار ەپيسكوپى» ەتىپ تاعايىندادى.

53 جاستاعى ەپيسكوپ ۆارناۆاعا كەرەكۋ مەن شىعىس قازاقستان وبلىستارىنداعى ورىس حالقىنىڭ رۋحاني قورعانى بولۋ تابىستالىپ وتىر. وعان «باتا بەرگەن» كەزدە پاتريارح كيريلل: «ءسىز باراتىن جەرلەردە و باستان كازاكتار قونىس قۇرعان. ولار قاشاندا ەرلىك تانىتىپ، سوزىمەن دە، ىسىمەن دە وتان مەن دىنگە ءادىل قىزمەت ەتكەن ادامدار. پراۆوسلاۆيە ءدىنى عاسىرلار بويى بۇل وڭىرگە مادەنيەت پەن ءبىلىم نۇرىن شاشقان، ءداستۇرلى قۇندىلىقتاردى ورناتقان. ءسىزدىڭ ماقساتىڭىز وسى مۇرانى قابىلداپ، ءارى قاراي بايىتۋ» - دەپ قاداپ ايتىپتى.

قازاق «سوپى» مەن «ۋاحاب» بولىپ ءبولىنىپ، قۇبىلاسىنىڭ قاي جاقتا ەكەنىن انىقتاي الماي جۇرگەندە، قازاقستانداعى ورىس پراۆوسلاۆ شىركەۋى ءوزىنىڭ تىرلىگىن ءۇن-ءتۇنسىز اتقارۋعا كىرىسىپتى. تاياۋدا ورىس پاتريارحاتى قازاقستانداعى پراۆوسلاۆ حريستياندارىنىڭ «مۇڭ-مۇقتاجى مەن تىلەك-تالاپتارىنا ساي» تاعى دا ءۇش ەپارحيا (ياعني ءدىني ايماق) اشىپ، ولاردىڭ سانىن التىعا دەيىن جەتكىزدى. بۇگىنگى كۇنى ورىس پراۆوسلاۆيە شىركەۋىنىڭ ەپارحيالارى استانادا، الماتىدا، ورالدا، قاراعاندىدا، قوستانايدا جانە كەرەكۋدە قۇرىلىپ ءبىتتى.

ەندى مىنە، ورىس پراۆوسلاۆ شىركەۋىنىڭ پاتريارحى كيريلل جاڭا ەپارحيالاردىڭ باسشىلارىن سايلاۋ ۇستىندە. وتكەن اپتانىڭ اياعىندا ماسكەۋدەگى ورىس پراۆوسلاۆيەسىنىڭ باس شىركەۋى - قۇتقارۋشى حريستوس شىركەۋىندە وسىعان دەيىن 30 جىل ءدىني قىزمەت اتقارعان ەپيسكوپ ۆارناۆاعا ارحيەرەي اتاعىن تابىستاپ، ونى «پاۆلودار ەپيسكوپى» ەتىپ تاعايىندادى.

53 جاستاعى ەپيسكوپ ۆارناۆاعا كەرەكۋ مەن شىعىس قازاقستان وبلىستارىنداعى ورىس حالقىنىڭ رۋحاني قورعانى بولۋ تابىستالىپ وتىر. وعان «باتا بەرگەن» كەزدە پاتريارح كيريلل: «ءسىز باراتىن جەرلەردە و باستان كازاكتار قونىس قۇرعان. ولار قاشاندا ەرلىك تانىتىپ، سوزىمەن دە، ىسىمەن دە وتان مەن دىنگە ءادىل قىزمەت ەتكەن ادامدار. پراۆوسلاۆيە ءدىنى عاسىرلار بويى بۇل وڭىرگە مادەنيەت پەن ءبىلىم نۇرىن شاشقان، ءداستۇرلى قۇندىلىقتاردى ورناتقان. ءسىزدىڭ ماقساتىڭىز وسى مۇرانى قابىلداپ، ءارى قاراي بايىتۋ» - دەپ قاداپ ايتىپتى.

ءوز كەزەگىندە ۆارناۆا اكەي ورىسشا پاتريارحقا العىسىن ءبىلدىرىپ، وسى ماقساتتار ءۇشىن ايانباي ەڭبەك ەتۋگە ءازىر ەكەنىن مالىمدەدى.

ورىس شىركەۋى ويىنشىق ەمەس. ونىڭ قاسىندا ءبىزدىڭ ءدىني باسقارمامىز دالادا قالاتىنى انىق. اراسى گارۆارد پەن اۋىلدىڭ بالا-باقشاسىنداي! ورىس پراۆوسلاۆ شىركەۋى دە، ونىڭ باسشىسى كيريلل دە مەملەكەتشىل يدەولوگيانى تەرەڭ مەڭگەرگەن، قاجەتتى جاعدايدا كرەملدەن دە بەتەر جۇمىس ىستەپ كەتە الاتىن كۇشكە يە. ءدىني باسشىلىققا  تاعايىندالعان  ءار ادامى تالاي سۇزگىدەن ءوتىپ، كەرەمەت دايىندىقپەن كەلەدى. وسى ۆارناۆانىڭ قازاقستانعا، ونىڭ ىشىندە  كەرەكۋ مەن شىعىس قازاقستانعا بارۋىندا ءبىر ۇلكەن گاپ بولۋى ىقتيمال. پاتريارحتىڭ بۇل جەرلەردى «كازاكتار مەكەندەپ وتىرعان جەرلەر» دەپ اتاۋى دا تەگىن ەمەس سياقتى. ولاي بولسا، ەرتەڭگى كۇنى سولتۇستىكتەگى كازاكتار «و باستان قونىس قۇرعان» جەرلەرىنەن جەلىگىپ شىعا كەلسە، تاڭ قالۋدىڭ كەرەگى جوق!

نە بولسا دا الاششىل بولايىق، اباي بولايىق، اعايىن!

«اباي-اقپارات»