جۇما, 12 تامىز 2022
ايقاي 6302 6 پىكىر 16 تامىز, 2017 ساعات 10:00

مەشىتتەگى ميتينگ. "نۇرسۇلتان-قازاقستان"

جاقىندا الەۋمەتتىك جەلىدە تاعى ءبىر داۋلى بەينە جازبا جاريا بولدى. وندا بەلگىسىز بىرەۋ (جىگىت)  جۇما نامازى اياقتالعان سوڭ جۇرتتى جيناپ، ەلباسى ساياساتىنا قولداۋ بىلدىرۋگە شاقىرعان بەيرەسمي اكتسيا ۇيىمداستىرعان. دالىرەك ايتساق، ەكى قولىن ەربەڭدەتە سەرمەپ، "نۇرسۇلتان - قازاقستان" دەپ ۇراندادى.

ەلىمىزدىڭ زاڭىنا سايكەس اكتسيا، ميتينگ، پيكەتتەردى وتكىزۋدىڭ وزىندىك ءتارتىبى بار. بۇل دەموكراتيالىلىقتىڭ بەلگىسى. ياعني، جەرگىلىكتى اكىمشىلىكتىڭ رۇقساتىمەن بەيبىت ميتينگ وتكىزۋگە ابدەن بولادى.

ەل ىشىندە دە، اق جاعالى بيلىك وكىلدەرىنىڭ  ۇعىم-تۇسىنىگىندە دە "ميتينگ" دەگەن ءسوز، انتي-بيلىكتىك اكتسيا رەتىندە اڭعارىلادى. انىعىندا ولاي ەمەس.

مىسالى، مەشىتتەگى ميتينگتىڭ ماقساتى انىق. ول - ەلباسى  ساياساتىن قولداۋ ەكەن. تەك تۇسىنىكسىزى - نەگە ءدال قازىر؟ قوعام "ەير-استانا" داۋىمەن دۇرلىگىپ جاتقاندا، مەشىتتە ميتينگ وتكىزۋ - قوعام نازارىن اۋدارۋدىڭ ءتايلى ءتاسىلى مە؟

دەگەنمەن، اكتسيانى ۇيىمداستىرۋشى جىگىتتىڭ ءىس-قيمىلى ءام ءسوز ساپتاۋى ەرىكسىز كۇماندى ويلارعا جەتەلەيدى! راديكالدى توپتاردىڭ توپايىنىڭ نىشانى ەمەس پە بۇل؟

"ايتايىن دەگەنىم، ءبىزدىڭ ەلباسىنا قازىر جان-جاقتان عايباتتار ايتىلىپ جاتىر. ۋكراينا بار، انا جاق بار، مىنا جاق بار. سول ءۇشىن بىزگە ىرىتكى سالا الماۋ كەرەك. تەك قانا ەلباسىن قولداساق، ءبىزدىڭ ساياساتىمىز تۋرا جۇرەدى. سوندىقتان، سىزدەردەن سۇرايتىنىم، قازىر مەن "نۇرسۇلتان" دەگەندە بارلىعىمىز ۇجىم بولىپ، قولىمىزدى كوتەرىپ، "قازاقستان" دەپ ۇراندايىق!", - دەيدى الگى ميتينگتى ۇيىمداستىرۋشى.

بۇعان قوسا، اراب الىپبيىندەگى سوزدەردى ءجيى قولدانادى.

وقيعا شىمكەنتتە ورىن العان ەكەن. وڭتۇستىك قازاقستان وبلىسىنىڭ باس يمامى احمەتبەك كەرىمبەك مىرزا بولعان جايتقا قاتىستى تۇسىنىكتەمە بەرىپ، باق-قا جاريالاپتى دا.

- جۇما نامازدان سوڭ ول جىگىت مەنىڭ كومەكشىمە كەلىپ، قۇراننان حاديس وقۋ ءۇشىن رۇقسات سۇرادى. ءسويتىپ، مەنى الداپ، اقىرىندا شۋ شىعاردى. مۇنداي جايت بىزدە بۇرىن بولماعان. مەشىت - ساياسي ارەنا ەمەس قوي. مۇنداي جيىلىستار جاساۋعا ارنالعان ورىن ەمەس. مەشىتتىڭ ءوز ەرەجەلەرى بار. ول جىگىت ەرەجەنى بىلمەگەنىن ايتتى. ءبىز دە ءتۇسىندىرۋ جۇمىستارىن جاسادىق. تۇسىنگەن سىڭايلى. كەشىرىم سۇرادى.  ال ەندى، نە ءۇشىن، نە ماقساتپەن ونداي  ارەكەت جاساعانىن ءبىز تۇسىنە المادىق، - دەيدى احمەتجان كەرىمبەك.

ءجا، ايتەۋىر بيلىكتى قولداۋدىڭ ءبىرتۇرلى اكتسياسى اياقتالدى. مەشىتتەگى ميتينگتىڭ كەيىپكەرلەرى دە قۇقىق قورعاۋ ۇيىمدارىنىڭ تەكسەرىسىنەن ءوتۋى ءتيىس! راديكاليزممەن كۇرەستى - اسقىنعاندا ەمەس، الدىن الا ەمدەۋ كەرەكتىگىن قۇزىرگى ورگاندار تۇسىنەر ۋاقىت جەتتى ەمەس پە؟!

نۇرزات توقجان

Abai.kz

6 پىكىر

ۇزدىك ماتەريالدار

الاشوردا

الاش-ارمان

بەيبىت قويشىباەۆ  2089
بىلگەنگە مارجان

حيلدا حۋكحەم جانە ۇلى قولباسشىلار

بەيسەنعازى ۇلىقبەك 2024
ادەبيەت

ءتۇس

ەرعالي باقاش 1710
انە، كوردىڭ بە؟

ارحيمەد كىمدى قورعاشتايدى؟

جايبەرگەن بولاتوۆ 2743