تالدىقورعان. 22 قاراشا. قازتاگ – الماتى وبلىسىندا ارنايى كوميسسيا اپاتتى جاعدايدا تۇرعان جانە كەزەك كۇتتىرمەس اپاتتى – قالپىنا كەلتىرۋ جۇمىستارىن قاجەت ەتەتىن 24 سۋ قويماسى مەن سۋ جيناقتاۋشى 13 گيدروتوراپتى انىقتادى، دەپ ءمالىم ەتتى وبلىس اكىمىنىڭ ورىنباسارى تىنىشباي دوسىمبەكوۆ كەڭەس بارىسىندا.

ونىڭ ايتۋىنشا، بۇلاردى جوندەۋ جانە قالپىنا كەلتىرۋ ءۇشىن الدىن الا ەسەپتەۋلەرگە سايكەس، ت2 ملرد-تان استام قارجى قاجەت.

اقسۋ، ەسكەلدى، جامبىل، كوكسۋ، بالقاش، ۇيعىر اۋداندارىنداعى گيدروقۇرىلىستار ەڭ قاۋىپتى جاعدايدا. سۋ قويمالارىنىڭ بارلىعى دەرلىك ەلەكترلەندىرىلمەگەن، ولاردىڭ كوتەرۋ مەحانيزمدەرى قولمەن عانا جۇمىس ىستەيدى. بوگەتتەر ارقىلى سۋ ءوتىپ جاتىر، سۋ شىعارعىشتىڭ جاپقىشتارى، اپاتتى شليۋزدار، باسقا گيدرومەحانيكالىق جابدىقتار جۇمىس ىستەمەيدى، ال سۋ تاستاۋ اپاتتى تاستاۋ ارقىلى جۇرگىزىلەدى.

گيدروقۇرىلىستار ستراتەگيالىق ماڭىزدى نىساندار بولىپ تابىلعانىمەن، سوڭعى بىرنەشە جىل قاتارىنان ولارداعى گيدرومەتريكالىق بەكەتتەر جۇمىس ىستەمەگەن، سۋدى ەسەپكە الۋ جۋرنالدارى جۇرگىزىلمەگەن، بوگەتتەر تەكسەرىلمەگەن، جوندەۋ جۇمىستارىن ورىنداۋعا دەفەكتىلىك اكتىلەرى تولتىرىلماعان.

تالدىقورعان. 22 قاراشا. قازتاگ – الماتى وبلىسىندا ارنايى كوميسسيا اپاتتى جاعدايدا تۇرعان جانە كەزەك كۇتتىرمەس اپاتتى – قالپىنا كەلتىرۋ جۇمىستارىن قاجەت ەتەتىن 24 سۋ قويماسى مەن سۋ جيناقتاۋشى 13 گيدروتوراپتى انىقتادى، دەپ ءمالىم ەتتى وبلىس اكىمىنىڭ ورىنباسارى تىنىشباي دوسىمبەكوۆ كەڭەس بارىسىندا.

ونىڭ ايتۋىنشا، بۇلاردى جوندەۋ جانە قالپىنا كەلتىرۋ ءۇشىن الدىن الا ەسەپتەۋلەرگە سايكەس، ت2 ملرد-تان استام قارجى قاجەت.

اقسۋ، ەسكەلدى، جامبىل، كوكسۋ، بالقاش، ۇيعىر اۋداندارىنداعى گيدروقۇرىلىستار ەڭ قاۋىپتى جاعدايدا. سۋ قويمالارىنىڭ بارلىعى دەرلىك ەلەكترلەندىرىلمەگەن، ولاردىڭ كوتەرۋ مەحانيزمدەرى قولمەن عانا جۇمىس ىستەيدى. بوگەتتەر ارقىلى سۋ ءوتىپ جاتىر، سۋ شىعارعىشتىڭ جاپقىشتارى، اپاتتى شليۋزدار، باسقا گيدرومەحانيكالىق جابدىقتار جۇمىس ىستەمەيدى، ال سۋ تاستاۋ اپاتتى تاستاۋ ارقىلى جۇرگىزىلەدى.

گيدروقۇرىلىستار ستراتەگيالىق ماڭىزدى نىساندار بولىپ تابىلعانىمەن، سوڭعى بىرنەشە جىل قاتارىنان ولارداعى گيدرومەتريكالىق بەكەتتەر جۇمىس ىستەمەگەن، سۋدى ەسەپكە الۋ جۋرنالدارى جۇرگىزىلمەگەن، بوگەتتەر تەكسەرىلمەگەن، جوندەۋ جۇمىستارىن ورىنداۋعا دەفەكتىلىك اكتىلەرى تولتىرىلماعان.

الماتى وبلىسى اكىمىنىڭ ءبىرىنشى ورىنباسارىنىڭ، توتەنشە جاعدايلاردىڭ الدىن الۋ جانە ولاردى جويۋ جونىندەگى وبلىستىق كوميسسيانىڭ توراعاسى اماندىق باتالوۆتىڭ  حاتتامالىق تاپسىرمالارىنا سايكەس، جاز-كۇز كەزەڭىندە سۋ شارۋاشىلىعى نىساندارىن الداعى قىس پەن كوكتەمدەگى اۋا رايىنىڭ ىقتيمال كۇرت بۇزىلۋلارىنا سۋ تاسقىنىنا قارسى دايىنداۋ بويىنشا شارالار كەشەنى ورىندالدى.

سۋ شارۋاشىلىعىنىڭ اۋداندىق پايدالانۋشى كاسىپورىندارى سۋارۋ ارنالارىن تازارتىپ، جالپى كولەمى 99,6 مىڭ تەكشە مەتر توپىراق، ساز، تاس شىعاردى، 290 شاعىن گيدروتەحنيكالىق قۇرىلىس نىساندارىن جانە تەمىر-بەتون سۋارۋ جەلىلەرىنىڭ 187,3 شاقىرىمىن جوندەۋدەن وتكىزدى. الماتى وبلىسىنداعى 154 سۋ قويماسىنىڭ جامبىل، ىلە، قاراساي، تالعار جانە ەڭبەكشىقازاق اۋداندارىندا ورنالاسقان 20 سۋ قويماسىندا جوندەۋ-قالپىنا كەلتىرۋ جۇمىستارى جۇرگىزىلدى.

الماتى وبلىسىنىڭ تج جونىندەگى دەپارتامەنتى قاراۋسىز جاتقان 15 سۋ قويماسىن كوممۋنالدىق مەنشىككە بەرۋ ماسەلەسىن كوتەردى، ويتكەنى نىسانداردا قارجىلاندىرۋ كوزىنىڭ جوقتىعىنا بايلانىستى بۇل نىسانداردا كوپ جىلدار بويى جوسپارلى جوندەۋ-قالپىنا كەلتىرۋ جۇمىستارى جۇرگىزىلمەگەن.

بۇل سۋ قويمالارىنىڭ بارلىعى اپاتتى جاعدايدا، ولار ەلدى مەكەندەردىڭ قاۋىپسىزدىگىنە، ءتۇرلى ينجەنەرلىك قۇرىلىستارعا قاۋىپ تقندىرىپ تۇر. جاعدايدى تۇراقتاندىرۋ ماقساتىندا سۋ شارۋاشىلىعىن باقىلايتىن وبلىستىق تابيعي رەسۋرستاردى باسقارۋ جانە تابيعات پايدالانۋدى رەتتەۋ باسقارماسى 2011 جىلى رەسپۋبليكالىق بيۋدجەتتىڭ ەسەبىنەن قۇرىلىس جوسپارىنا ەنگىزۋ ءۇشىن اپاتتى جاعدايداعى سۋ شارۋاشىلىق نىساندارىن كۇردەلى جوندەۋ مەن قالپىنا كەلتىرۋگە جوبالىق-سمەتالىق قۇجاتتاردى ازىرلەپ جاتىر.

وبلىستىق تابيعي رەسۋرستاردى باسقارۋ جانە تابيعات پايدالانۋدى رەتتەۋ باسقارماسىنىڭ مالىمەتتەرىنە سايكەس، بۇگىنگى كۇنى وبلىستا 154 سۋ شارۋاشىلىعى نىسانى بار،  ونىڭ 91-ءى جەكە مەنشىكتە، 44-ءى كوممۋنالدىق، 4-ەۋى رەسپۋبليكالىق مەنشىكتە بولسا، 15-ءى قاراۋسىز قالعان.