مەملەكەتتىك ارنا - تەك قانا شەنەۋىنىكتىك ارنا ەمەس، كونستيتۋتسيالىق تالاپتار اياسىندا مەملەكەتشىلدىك، ۇلتشىلدىق پوزيتسيا ۇستانعان تاراپتارعا دا ەفير بەرە الاتىن ارنا بولۋى ءتيىس دەپ سانايمىن.

قازىر قازاقستاندىق باق ەكى ءتۇرلى باسەكەنى باستان كەشىرىپ جاتىر: ىشكى جانە سىرتقى.
ىشكىنىڭ جايى بەلگىلى، ال سىرتقى باسەكە ودان اناعۇرلىم قيىنداۋ. ماسەلە تەك قانا سوۆەتتىك داۋىردەن كەلە جاتقان رەسەيلىك باق گەگەمونياسىنداعى عانا ەمەس. قازىرگى زامانعى كوممۋنيكاتسيا مەن تەحنولوگيالار ارقاسىندا قازاقستاندىقتار شەتەلدىڭ جەتەكشى تەلەكومپانيالارىن دا كورىپ وتىر. ولارمەن باسەكەلەسۋ - كەز كەلگەن وتاندىق باق-قا - سىن!

مەملەكەتتىك ارنانىڭ رەيتينگى مەملەكەتتىڭ ءوزىنىڭ رەيتينگىنە تىكەلەي اسەر ەتەدى، ال كەز كەلگەن وقيعا نە تەندەنتسيا تۋرالى جان-جاقتى اقپارات بەرمەي، قوعامدىق ءپليۋراليزمدى قولداماي، ونداي رەيتينگ جوعارى بولا المايدى!

برەند دەگەن بار، ترەند دەگەن بار.

ءساتتى ويلاستىرىلعان، جاڭاشىل، جۇرەككە جىلى ءتيىپ تۇرعان رەبرەندينگ، ەندى، رەترەندينگكە ۇلاسۋى قاجەت دەپ سانايمىن. ياعني، قوعام ءومىرى مەن ساناسى ترەندتەرىندەگى وزەكتى پروبلەمالار مەن تاقىرىپتار اياسىن دا كەڭەيتۋگە بولادى دەپ ويلايمىن.
ءوز باسىم مەملەكەتشىلدىك تۇرعىدان سويلەپ، وسى ارنانىڭ بيىك ميسسياسىنا اتسالىسۋعا دايىن ەكەنىمدى بىلدىرگىم كەلەدى.

ءامىرجان قوسانوۆ

Abai.kz