الماتى. 23 قاراشا. قازتاگ – جۇك ۆاگوندارى ءۇشىن جابدىقتار مەن قوسالقى بولشەكتەر شىعاراتىن وتاندىق كاسىپورىندار 2011 جىلعا ارنالعان باعالاردى 2010 جىلدىڭ دەڭگەيىندە بەلگىلەۋ تۋرالى ۋاعدالاستى، دەلىنگەن «قازتەمىرترانس» اق-نىڭ (قتت) حابارلاماسىندا.

«قتت جۇك ۆاگوندارىن جوندەۋ ءۇشىن قوسالقى بولشەكتەر شىعاراتىن وتاندىق وندىرۋشىلەرمەن جانە ۆاگون جوندەۋ كاسىپورىندارىمەن جۇك ۆاگوندارىن جوندەۋدى ۇيىمداستىرۋ سالاسىندا ىنتىماقتاستىق تۋرالى ۇشجاقتى مەموراندۋمعا قول قويدى»، - دەلىنگەن سەيسەنبى كۇنى تاراتىلعان ءباسپاسوز مالىمدەمەسىندە.

اقپاراتقا سايكەس، قۇجاتقا «ماشزاۆود» جشس، «Format Mach Company» جشس، «ستەپنوگور پودشيپنيك زاۋىتى» جاق، «سەمەي مەتيز زاۋىتى» جشس جانە تاعى باسقالارى قول قويدى.

مەموراندۋمنىڭ شارتتارىنا سايكەس، تاراپتار 2011 جىلى تاۋارلار، جۇمىستار مەن قىزمەتتەردىڭ باعاسىن 2010 جىلدىڭ سوڭىنداعى باعا دەڭگەيىندە ساقتاۋ شارالارىن قولعا الادى. كەز-كەلگەن وزگەرىستەر، باعانىڭ ارزانداۋى نەمەسە قىمباتتاۋى وبەكتيۆتى سەبەپتەردى تۇسىندىرۋمەن مۇددەلى تۇلعالاردى الدىن الا اقپاراتتاندىرعان سوڭ عانا مۇمكىن بولادى.

الماتى. 23 قاراشا. قازتاگ – جۇك ۆاگوندارى ءۇشىن جابدىقتار مەن قوسالقى بولشەكتەر شىعاراتىن وتاندىق كاسىپورىندار 2011 جىلعا ارنالعان باعالاردى 2010 جىلدىڭ دەڭگەيىندە بەلگىلەۋ تۋرالى ۋاعدالاستى، دەلىنگەن «قازتەمىرترانس» اق-نىڭ (قتت) حابارلاماسىندا.

«قتت جۇك ۆاگوندارىن جوندەۋ ءۇشىن قوسالقى بولشەكتەر شىعاراتىن وتاندىق وندىرۋشىلەرمەن جانە ۆاگون جوندەۋ كاسىپورىندارىمەن جۇك ۆاگوندارىن جوندەۋدى ۇيىمداستىرۋ سالاسىندا ىنتىماقتاستىق تۋرالى ۇشجاقتى مەموراندۋمعا قول قويدى»، - دەلىنگەن سەيسەنبى كۇنى تاراتىلعان ءباسپاسوز مالىمدەمەسىندە.

اقپاراتقا سايكەس، قۇجاتقا «ماشزاۆود» جشس، «Format Mach Company» جشس، «ستەپنوگور پودشيپنيك زاۋىتى» جاق، «سەمەي مەتيز زاۋىتى» جشس جانە تاعى باسقالارى قول قويدى.

مەموراندۋمنىڭ شارتتارىنا سايكەس، تاراپتار 2011 جىلى تاۋارلار، جۇمىستار مەن قىزمەتتەردىڭ باعاسىن 2010 جىلدىڭ سوڭىنداعى باعا دەڭگەيىندە ساقتاۋ شارالارىن قولعا الادى. كەز-كەلگەن وزگەرىستەر، باعانىڭ ارزانداۋى نەمەسە قىمباتتاۋى وبەكتيۆتى سەبەپتەردى تۇسىندىرۋمەن مۇددەلى تۇلعالاردى الدىن الا اقپاراتتاندىرعان سوڭ عانا مۇمكىن بولادى.

«وتكەن جىلدارداعى تاجىريبە كورسەتىپ وتىرعانداي، شەتەلدىك جەتكىزۋشىلەردىڭ ماشينا جاساۋ سالاسىنىڭ ونىمدەرى جىل سايىن ورتا ەسەپپەن 8-15%-عا قىمباتتايدى. «قازتەمىرترانس» وتاندىق كومپانيالارمەن كەلىسىمدەر جاساسا وتىرىپ، ءوزىن يمپورتقا تاۋەلدىلىكتەن ارىلتادى جانە ءوزىنىڭ ۆاگون جوندەۋ كاسىپورىندارىن بەلگىلەنگەن باعا بويىنشا قاجەت قوسالقى بولشەكتەردىڭ جوسپارلى جانە كەپىلدەندىرىلگەن جەتكىزىلىمدەرىمەن قامتاماسىز ەتەدى»، - دەلىنگەن حابارلامادا.

قتت ۆاگون جوندەۋگە جىل سايىنعى قاجەتتىلىگى 17-22 مىڭ ۆاگوندى قۇرايدى، ال تۇتاستاي قۇيىلعان دوڭگەلەكتەر سياقتى قوسالقى بولشەكتەرگە دەگەن جىل سايىنعى سۇرانىسى  - 20-22 مىڭ دانا.

10 ايدىڭ ىشىندە كومپانيا 13 مىڭنان اسا ۆاگوندى جوندەۋدەن وتكىزدى، ۇستىمىزدەگى جىلى جالپى 17 مىڭ ۆاگون جوندەۋ جوسپارلانعان، ونىڭ ىشىندە 1747 ۆاگون كۇردەلى جوندەۋدەن وتكىزىلسە، 1167-سى قىزمەت ەتۋ مەرزىمىن ۇزارتۋمەن كۇردەلى جوندەۋگە جاتادى.

كومپانيا قوزعالمالى قۇرام جەتىسپەۋشىلىگىنىڭ ورنىن تولتىرۋ ماقساتىندا 2010 جىلى 1,3 مىڭ ۆاگون ساتىپ الۋدى جوسپارلاپ وتىر، ونىڭ 363 –ىنە «قازاقستاندا جاسالعان» بەلگىسى بار.

«قازتەمىرترانس» اق – قر جۇك ۆاگوندارى پاركىنىڭ ءىرى وپەراتورى. كومپانيا 2003 جىلى رەسپۋبليكانىڭ تەمىرجول كولىگىن رەفورمالاۋ شەڭبەرىندە قۇرىلدى، «قازاقستان تەمىر جولى» ۇك-نىڭ 100% ەنشىلەس كاسىپورنى بولىپ تابىلادى.

باس كومپانيانىڭ قوزعالمالى قۇراممەن قامتاماسىز ەتۋ بويىنشا نەگىزگى قىزمەتىمەن قاتار، قتت ۆاگونداردى جوندەپ، جاڭارتادى، كولىكتىك-ەكسپەديتورلىق قىزمەتتەر كورسەتۋمەن، ۆاگونداردى وپەراتسيالاۋمەن اينالىسادى.