قازاقستان پوست-كەڭەستىك ەلدەر قاتارىندا دامۋ جاعىنان كوش باستادى. تمد ەلدەرى ىشىندە كۇنكورىسى جاقسى ەل - قازاقستان ەكەن. رەسەيدىڭ ۇكىمەتتىك ساراپتاما ورتالىعى جۇرگىزگەن زەرتتەۋدىڭ قورىتىندىسى بويىنشا، قازاقستان ءومىر سۇرۋگە قولايلى، دامۋشى، تۇتىنۋشىلىق كورسەتكىشى ەڭ جوعارى ەل دەپ كورسەتىلىپتى.

بۇرىن بۇل ورىندا رەسەي بولعان. ەكونوميكالىق داعدارىس ەتەكتەن الىپ، ەسىن شىعارعان پۋتين-مەدۆەدەۆ تاندەمى ەلدى تىعىرىقتان الىپ شىعا العان جوق.

سويتسەك، بىلتىرعى جىلى ءاربىر قازاقستاندىق جەكە باس قاجەتتىلىگىنە 13,8 مىڭ دوللاردان جۇمساعان ەكەن. ال رەسەيدە بۇل كورسەتكىش 11,9 مىڭ دوللار.

وسىلايشا، حالقىنىڭ تۇرمىس دەڭگەيى جونىنەن قازاقستان تمد-دا ءبىرىنشى بولىپتى.

بۇل اقپارات الەۋمەتتىك جەلىگە تاراي بەرە، التەرناتيۆتى مازمۇنداعى تاعى ءبىر قىزىق دەرەك شىقتى. بۇل اقپاراتتى "ەxclusive.kz" سايتى جازدى.

وندا كەرىسىنشە، قازاقستان حالقىنىڭ تۇتىنۋشىلىق دەڭگەيى 2,4 پايىزعا تومەندەگەنى ايتىلادى. بۇل ۇلتتىق ەكونوميكا مينيسترلىگىنىڭ 2017 جىلدىڭ I-جارتى جىلدىعىنداعى كورسەتكىشتەر تۋرالى بايانداماسىندا كورسەتىلگەن ەكەن.

قازاقستانداعى ءجىو كورسەتكىشى 4,2 پايىزى قۇراعانىمەن، تۇتىنۋشىلىق دەڭگەي بىلتىرعى جىلمەن سالىستىرعاندا 2,4 ەسەگە ازايعان.

اسىرەسە عىلىم مەن تەحنيكا سالاسىنىڭ ماماندارىنىڭ ايلىعى مەن ساتىپ الۋ مۇمكىندىگى  25,5%-عا تومەندەدى.

دەسە دە، 2017 جىلدىڭ I-جارتى جىلدىعىنداعى كورسەتكىش بويىنشا قازاقستاندا ورتاشا نومينالدى ايلىق - 144,95 تيىندى قۇراعان.

ەكى ءتۇرلى اقپارات. ەكى اقپارات تا رەسمي دەرەككوزدەرىنەن الىنىپ وتىر. ال ءبىز قايسىسىنا سەنگەنىمىز ءجون؟

ءىلياس اقباي

Abai.kz