كۇنى كەشە عانا ءبىزدىڭ پورتالدا «قازاقتار «ورىس الەمىنىڭ» حالقى ەمەس!» دەگەن ماقالا جاريالانعان بولاتىن. وندا قازاقستانداعى ورىس پراۆوسلاۆ شىركەۋىنىڭ پاتشا زامانىنان كەلە جاتقان قازاقتى شوقىندىرۋ ساياساتىن قايتا قولعا الىپ، بەلسەندى ميسسيونەرلىك جۇمىس جاساپ جاتقانى حاقىندا جازىپ ەدىك. ماقالانىڭ سوڭىندا بىزدەر قازاقستاننىڭ ءدىني باسقارماسى نەگە ءۇنسىز دەگەن ساۋال قويعانبىز. ءۇنسىز ەمەس ەكەن...

كۇنى كەشە عانا ءبىزدىڭ پورتالدا «قازاقتار «ورىس الەمىنىڭ» حالقى ەمەس!» دەگەن ماقالا جاريالانعان بولاتىن. وندا قازاقستانداعى ورىس پراۆوسلاۆ شىركەۋىنىڭ پاتشا زامانىنان كەلە جاتقان قازاقتى شوقىندىرۋ ساياساتىن قايتا قولعا الىپ، بەلسەندى ميسسيونەرلىك جۇمىس جاساپ جاتقانى حاقىندا جازىپ ەدىك. ماقالانىڭ سوڭىندا بىزدەر قازاقستاننىڭ ءدىني باسقارماسى نەگە ءۇنسىز دەگەن ساۋال قويعانبىز. ءۇنسىز ەمەس ەكەن...

قۇدايدىڭ ءوزى بەرە سالعان مولدالارىمىزدىڭ ورىس ميسسيونەرلىگىنە قاتىستى ۇستانىمىن قمدب-نىڭ ءباسپاسوز حاتشىسى وڭعار-قاجى ومىربەك مىرزا «قاتىرىپ» تۇرىپ جەتكىزىپتى. «ايقىن» گازەتىنە بەرگەن سۇحباتىندا وڭەكەڭ: «ۋاعىزدار قازاق تىلىندە جۇرگىزىلسە، وندا بۇل - ەڭ الدىمەن مەملەكەتتىك ءتىلدى سىيلاۋى. بۇل وتە قۋانىشتى، سۇيسىنەتىن جاعداي... ءدىني ادەبيەتتەرىن اۋدارعاننان بىزگە كەلىپ-كەتەرى جوق، ولاردىڭ ەركىندەگى شارۋا. ەگەر كىتاپتارىن قازاقتىلدى وقىرماندارعا ارناسا، ورىس ءتىلىن جەتە تۇسىنبەيتىن ازاماتتار ەندى ولاردى قۇرانمەن سالىستىرا وقي الادى. ادەبيەتتەردى قازاق تىلىنە اۋدارعاننىڭ پايدالى جاعى - وسى. بۇل ماسەلەنىڭ ەكىنشى جاعى دا بار: بۇل - دىنگە تارتۋ. قازاق تىلىندە ولاردىڭ كىتابىن وقيتىندارعا قۇراندى دا وقىپ، سالىستىرۋعا شاقىرار ەدىم. دىندە ەشكىمگە زورلىق جوق. ال پراۆوسلاۆ دىنىندە قازاقتىلدىلەر كوبەيىپ كەتتى دەۋ - نەگىزسىز. سوڭعى ساناق ناتيجەسى بويىنشا حالقىمىزدىڭ 11 ميلليونى - مۇسىلماندار. 1990 جىلدىڭ ورتاسى مەن 2000 جىلدىڭ ارالىعىندا قازاقتىلدىلەر اراسىندا باسقا دىنگە ءوتىپ كەتۋ تەندەنتسياسى بايقالعان. بىراق قازىر كەرىسىنشە، يسلام ءدىنىن ۇستانۋشىلار كوبەيىپ، ونىڭ ىشىندە سلاۆيانتىلدىلەر ۇلەسى دە ارتا تۇسۋدە»، - دەپتى!

ەلىمىزدەگى رۋحاني ماسەلەلەردى رەتتەپ، ءدىن مەن ءدىلدىڭ بىرلىگىن، تۇتاستىعىن ساقتاۋعا مىنددەتى ادامداردىڭ ۇسقىنى وسى! ايتارعا ءسوزىمىز جوق!

اباي بولايىق، الاششىل بولايىق، اعايىن!

«اباي-اقپارات»