كسرو-نى ايتامىن-اۋ، قانشا جەردەن تابانى كوكتى تىرەگەن الىپ يمپەريا بولسا دا، ونىڭ ەكونوميكاسىنىڭ تۇيىققا تىرەلۋى - كوپكە شىداتپادى. ەلدىڭ بۇكىل كاپيتالىن قورعانىس الەۋەتىن كۇشەيتۋگە جۇمساعان ديۋ-مەملەكەتتىڭ - ايسبەرگكە سوعىلعان تيتانيكتەي ءاپ-ساتتە-اق كۇل-تالقانى شىققانىن كوز كوردى. 40 جىلداعى قورعانىسقا كەتكەن اسكەري شىعىنى 20 تريلليون دوللار! ماسقارا عوي!

باستى كاپيتال - "ادام جانە ونىڭ ءومىرى" ەكەنىن ۇمىتاتىن مەملەكەتتەردە دامۋدىڭ توقتايتىنى اكسيوما. ساباق تۇيدىك پە، باستان وتكەرگەن مىسالدان؟

نەگە قازاقستان ەكونوميكالىق داعدارىستان كوز اشپاي كەلەدى؟ نەدەن جاڭىلدىق؟ نەگە كوشتەن قالا باستادىق؟ ەكونوميكامىزدىڭ باسەكەگە قابىلەتتىگى نەگە تومەندەپ كەتتى؟ ەكونوميكانىڭ ءارتاراپتانباۋى، ەۋرازيالىق ەكونوميكالىق وداققا مۇشەلىككە ەنۋىمىزدەن بولەك، ەكونوميكامىزدىڭ تۇرالاۋىنا اكەپ سوققان بىردەن-ءبىر فاكتور - قارجىلىق-كلاندىق توپتىڭ ۇلتتىق ەكونوميكانى باقىلاۋى بولىپ وتىر.

قازاقستاننىڭ رەسۋرسىن ۋىسىندا ۇستاعان جانە بيلىكپەن اۋىز جالاسقان كلاندىق يەرارحيا شىنجىرىنان ۇزىلمەي ەل ەكونوميكاسى باس كوتەرمەيدى! انىق كوزىم جەتتى! ولاردىڭ جۇمىس ىستەۋ ءپرينتسيپى - قۇردىمعا باتقان كومپانيالاردى مەملەكەتتىڭ مەنشىگىنە وتكىزىپ، ال تابىستى كاسىپورىنداردى جەكەشەلەندىرۋگە نەگىزدەلگەن. ماسەلەن، "سامۇرىق-قازىنا" "شالقيا" كەن ورنىن 75 ملرد تەڭگەگە جانە قوسىمشا قارىزىن 75 ملرد تەڭگەگە ساتىپ الىپ، مەملەكەتتى 150 ملردقا وتىرعىزىپ كەتتى! مۇنداي مىسالدار كوپ!

نپز -لاردىڭ جاساندى تۇردە تولىق مودەرنيزاتسيالانىپ بىتپەۋى، رەسەيدىڭ "گازپرومىنىڭ" بەنزينىنە قولدان ۇيىمداستىرىلعان 30 پايىزدىق ىشكى تاۋەلدىلىك، قولدان جاسالعان جانارماي دەفيتسيتى، بوزىمباەۆتىڭ باعانىڭ كوتەرۋ ءۇشىن بار بەنزيندى حالىققا بەرمەي قويۋى - بىزدەگى قارجىلىق توپتىڭ ماحيناتسياسى! قازاقتىڭ مۇددەسىنەن رەسەيدىڭ، جەكە قالتانىڭ مۇددەسى ارتىق بولعانى عوي...

سوسىن، قۇلىباەۆتىڭ گازپرومعا ديرەكتورلار كەڭەسىنە قايتا-قايتا مۇشەلىككە سايلانۋىندا نەندەي سىر بار؟ قازاقستانداعى ەكونومبلوكقا جاۋاپتى تۇلعالار نەگە وزگەرمەيدى؟ نەگە "سامۇرىق-قازىنانى" وتاندىق قارجى پوليتسياسىنىڭ تەكسەرۋىنە زاڭدى تۇردە تيىم سالىنعان؟ پارادوكس!

قارجىلىق-كلاندىق توپتاردىڭ ۇياسىن بۇزۋ مۇمكىن ەمەس. ءبىر-بىرىنە يلەنىپ قالعان. ال مۇنداي جاعدايدا قولدان جاسالعان وتاندىق ەكونوميكالىق داعدارىس ۇزاققا سوزىلارى ءسوزسىز! جانە بۇگىنگى بيلىكتىڭ تۇبىنە جەتەتىن دە سولار بولماق!

دينا ەلگەزەك

Facebook-تەگى پاراقشاسىنان