اتامباەۆ تمد ەلدەرىندەگى  ەليتالىق قاۋىمنىڭ  "قول المايتىن" ادامىنا اينالدى. ءبىزدىڭ ەلدىڭ ىشكى ىستەرىنە ارالاسۋى – ونىڭ ەڭ سوراقى ءىس-قيمىلى بولىپ قالا بەرمەك. ەكى ەلدىڭ اراسىنداعى تاريحي "اۋىر" كەزەڭدەردى قوزعاۋى، حالىقتارىمىزدىڭ بىرلەسكەن بولاشاعى ءۇشىن دە ورنى تولماس سىزات بولۋى ىقتيمال. دەگەنمەن دە، جاقىن بولاشاقتا، ول ءوزىنىڭ ماقساتىنا جەتتى. ساياسي تەحنولوگتارى، "سىرتقى جاۋلارعا" قوعامدى جۇمىلدىرۋ تاكتيكاسىن قولدانىپ، سايلاۋدا وزىپ شىقتى. ال ەندى، وسى جاعدايدان ءبىز قانداي قورىتىندى جاساۋىمىز قاجەت؟

ءبىرىنشى، رەسمي استانا ورتالىق ازيا ەلدەرىنە ساياسي، ەكونوميكالىق، الەۋمەتتىك ءام مادەني تۇرعىدان باسىمدىق بەرۋى كەرەك.  ورتالىق ازيا ەلدەرىنىڭ əلەۋمەتتىك، قوعامدىق- ساياسي پروتسەستەرىن زەرتتەيتىن ورتالىقتار، ينستيتۋتتار اشۋ قاجەت. ەكىنشى، اتالعان ەلدەرمەن گۋمانيتارلىق قارىم-قاتىناستاردى كۇشەيتە وتىرىپ، سول ەلدەردە قازاق مəدەنيەتىن، تاريحىن ناسيحاتتاۋعا ارنالعان، ورتاق قۇندىلىقتار قالىپتاستىرۋعا باعىتتالعان قوعامدىق ۇيىمدار جاساقتاۋعا جۇمىلۋى ءتيىس. ءۇشىنشى، وا ەلدەرىمەن بىرىككەن بيزنەس-جوبالار ۇيىمداستىرىپ، سول ەلدەرگە قارجى قۇيۋ ءبىزدىڭ مۇددەگە سəيكەس كەلەدى. ءتورتىنشى، ايماقتاعى كورشى مەملەكەتتەردىڭ (وزبەك، قىرعىز، تۇركپەن، تاجىك) جاستارىن قازاقستانعا شاقىرا وتىرىپ، ءبىزدىڭ ەلمەن تانىستىرۋعا باعىتتالعان ورتالىقتار اشۋ ينتەگراتسيانىڭ باسى بولا الادى. بەسىنشى، وا ەلدەرى جىل سايىن ءدəستۇرلى ءəنى فەستيۆالىن ۇيىمداستىرىپ تۇرعانى ءجون. ەگەر دە، بۇل كەشەندى ءىس-شارالار ءىس-جۇزىنە اسپاسا، بۇل ەلدەر بىزگە پروبلەما بولۋى ىقتيمال. ويكەنى، اتالعان ەلدەردە، əلەۋمەتتىك، ساياسي ديناميكا پايدا بولدى. ەندى ءبىز سول ديناميكاعا سəيكەس بولۋىمىز قاجەت. الدىمىزدا جاڭا زامان مەن بىرگە جاڭا مىندەتتەر تۋىپ كەلەدى.

ەرلان سايروۆ، ساياساتتانۋشى

Abai.kz